«My dastatkovym čynam adkarektavali, z ulikam pažadańniaŭ ABSIE, svajo zakanadaŭstva napiaredadni prezidenckich i miascovych vybaraŭ 2010 hoda».
Takoje mierkavańnie siońnia vykazała staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna ŭ efiry Pieršaha nacyjanalnaha kanała Biełaruskaha radyjo.
Lidzija Jarmošyna adznačyła: «Nijakaj patreby ŭ źmianieńni vybarčaha zakona ŭ nas niama». Pry hetym jana rastłumačyła, što takaja patreba moža ŭźniknuć tolki pry źmianieńni samoj vybarčaj sistemy, heta značyć pry pierachodzie na praparcyjanalny abo źmiešany pryncyp. Pry hetym Lidzija Jarmošyna adznačyła, što susiednija Ukraina i Rasija mianiajuć svajo zakanadaŭstva ŭ advarotny bok, viartajučysia da mažarytarnaj sistemy.
«My dastatkovym čynam adkarektavali, z ulikam pažadańniaŭ ABSIE, svajo zakanadaŭstva napiaredadni prezidenckich i miascovych vybaraŭ 2010 hoda»,— taksama nahadała kiraŭnik CVK.
Na dumku Lidzii Jarmošynaj, tema źmianieńnia vybarčaha zakanadaŭstva — adna z papularnych siarod palitykaŭ. U tym liku adpaviednyja łozunhi vystaŭlali ŭdzielniki akcyi ŭ Maskvie paśla vybaraŭ u Dziarždumu. «Choć Rasija mianiaje vybarčaje zakanadaŭstva amal štohod. Ledź ci nie da kožnych vybaraŭ. Praściej za ŭsio kinuć niejki łozunh ab źmianieńni hetaha zakanadaŭstva… Vybarčy zakon — heta pieršaja achviara dla palitykaŭ. Jany zaŭsiody vykarystoŭvajuć heta ŭ svajoj rytorycy», — adznačyła kiraŭnik CVK Biełarusi.
Lidzija Jarmošyna taksama miarkuje,
što ŭ biełaruskich vybarščykaŭ nie budzie papularnaj ideja ab pierachodzie da źmiešanaj sistemy hałasavańnia.«Nam kali i stvarać vybarčuju sistemu inšuju, to tolki z adkrytymi i prazrystymi partyjnymi śpisami, kab vybarščyk bačyŭ, što hałasuje nie za abstraktnuju partyju, a za kankretnych piersanalij, jakija ŭvachodziać u jaje»,- adznačyła kiraŭnik CVK.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami12
Kamientary