Hrodzienski abłasny sud pakinuŭ prysud milicyjanieru Linkusu bieź źmienaŭ
Hrodzienski rajonny sud u lutym 2012 hoda asudziŭ byłoha kiraŭnika Hrodzienskaha abłasnoha adździeła departamienta achovy majora Dzinasa Linkusa na 4 hady kałonii ŭzmocnienaha režymu za źbićcio načalnika Ščučynskaha rajonnaha adździeła departamienta achovy Alaksieja Siarhieja.
Kalehija abłasnych sudździaŭ nie zadavoliła chadajnictva z boku paciarpiełaha — uziać Linkusa pad vartu adrazu ŭ zale suda.
U sudzie Linkus znoŭ całkam nie pryznaŭ svajoj viny i nastojvaŭ na tym, što ŭ sudzie pieršaj instancyi jaho spravu razhledzieli nieabjektyŭna i paviarchoŭna. Adnak kalehija Hrodzienskaha abłasnoha suda paličyła jaho dovady biespadstaŭnymi. U sudovym pasiadžeńni braŭ udzieł paciarpieły A. Siarhiej.
Jašče da hetaha pracesu aktyvisty hramadzianskaj kampanii «Naš dom» raspaviadali, jak Linkus, jašče pracujučy ŭ Minsku, zatrymlivaŭ aktyvistaŭ apazicyi, ździekavaŭsia i pahražaŭ, užyvaŭ siłu nie tolki da mužčyn, ale i da žančyn.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary