Asudžany milicyjant Linkus: «A ŭ mianie siamja, dvoje dziaciej...»
Dzinas Linkus nie pryznaje siabie vinavatym ni ŭ čym.
Karespandent «NN» patelefanavaŭ byłomu načalniku Hrodzienskaha abłasnoha ŭpraŭleńnia Departamienta achovy MUS Dzinasu Linkasu.
Na minułym tydni jaho asudzili na 4 hady kałonii ŭzmocnienaha režymu.Hrodzienski rajonny sud pryznaŭ jaho vinavatym u ździajśnieńni złačynstva, praduhledžanaha častkaj 3 artykuła 426 Kryminalnaha kodeksa (złoŭžyvańnie ŭładaj ci słužbovymi paŭnamoctvami). Były supracoŭnik milicyi abvinavačvaŭsia ŭ źbićci svajho padnačalenaha — načalnika Ščučynskaha rajonnaha Departamienta achovy Alaksieja Siarhieja.
«NN»: Dzinas, budziecie abskardžvać prysud?Dzinas Linkus: Tak. Hetaja situacyja ciahniecca amal vosiem miesiacaŭ. A ŭ mianie siamja, dvoje dziaciej…
«NN»: Vinavatym Vy siabie nie pryznali. Što, pa-Vašamu, adbyłosia tady z padnačalenym?
DŁ: Doŭha raskazvać. U abskardžvańni budu davać acenku dokazam, pradstaŭlenym na sudzie.
Cialesnyja paškodžańni byli naniesieny ŭ toj viečar nie mnoj, a inšym čałaviekam. Ja viedaju, chto heta, ale nie budu nazyvać,kab nie paličyli za paklop. A praz dva dni, kali ja źjechaŭ u adpačynak, usiu vinu ŭ maju adsutnaść vyrašyli pierakłaści na mianie.
My raźbiralisia z padnačalenym. Jon byŭ pjany. Heta bačyli inšyja… Ale abvinavačvańnie na sudzie budavałasia tolki na pakazańniach paciarpiełaha i zaklučeńni ekśpiertyzy.
«NN»: Žurnalistka Volha Karač napisała, što padčas letašniaha zatrymańnia ŭ Minsku Vy jaje ŭdaryli, pahražali hvałtam. Heta praŭda?
DŁ: Da hetaha vypadku
Karač raz tolki niedzie vystupiła z čymści padobnym. Ciapier, kali ŭźnikła takaja situacyja sa mnoj, jana znoŭ pačała… Nazyvaju jaje słovy paklopnickimi. Ale pakul ja ŭ sud nie padaju.
Adukavanamu čałavieku zrazumieła, što čałaviek pakryŭdžany z zadavalnieńniem prajšoŭ by ekśpiertyzu.
Mahčyma, hetaja jaje niezadavolenaść była vyklikana raźbiralnictvam padčas zatrymańnia.
Moža, joj niešta nie spadabałasia? U takim vypadku jana mahła pryjści da mianie na nastupnym dzień.Moj kabiniet byŭ dla ŭsich adčynieny. Ale jana nie pryjšła. Takich ludziej, jak Karač i Ščukin — ja ich dobra zapomniŭ — nie razumieju. Ja liču siabie abražanym, ale pakul mnie nie da suda. Kali raźbiarusia ź ciapierašniaj situacyjaj, prymu dla siabie rašeńnie pa hetym pytańni. Heta niepryhoža, jakuju b čałaviek ni zajmaŭ palityčnuju pazicyju.
U svaju čarhu, Volha Karač tak apisała svaju «sustreču» ź Linkusam padčas taho zatrymańnia:«Mianie adciahnuli ad muža dy paciahnuli prosta pa padłozie kalidora ŭ inšy kabiniet. U kabiniet, kudy mianie ŭciahnuli,
jak vichura, uvarvaŭsia ciomnavałosy mužčyna, padlacieŭ da mianie i z razmachu zalapiŭ mnie pa skroni,zakryčaŭšy, što budzie zajmacca sa mnoj seksam u nietradycyjnaj formie z elemientami hvałtu.
Pa-rusku jon skazaŭ dobra kali 10% svajoj pałymianaj pramovy, astatniaje było adbornymi maciukami».
Pravaabaronca Valeryj Ščukin i Andrej Levinaŭ sutykalisia taksama ź Dzinasam Linkusam, kali toj pracavaŭ namieśnikam staršyni Frunzienskaha RUUSa Minska. Jany adznačyli jaho niestandartnyja pavodziny i ździeklivy ton pry razmovie.
«Ja mahu jaho acharaktaryzavać jak daśviedčanaha kiraŭnika, jakomu
zaŭždy padam ruku pry sustrečy i padtrymaju jak zmahu. Što da jaho viny ŭ dadzienym vypadku, to heta vyznačyć sud», — tak, u svaju čarhu, za niekalki dzion da suda ŭ intervju «Komsomolskoj pravdie v Biełoruśsii» prakamientavaŭ asobu byłoha padnačalenaha Aleh Hajdukievič.
Da ŭstupleńnia prysudu ŭ siłu Linkus budzie zastavacca na voli, pad chatnim aryštam.
-
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie8
Kamientary