Adna z najbujniejšych litoŭskich kampanij pa-raniejšamu cikavicca Biełaruśsiu.
Pra heta paviedamiŭ prezident kancerna kampanij «Achiema Hrup» Arunas Łaŭrynajcis na VIII mižnarodnym ekanamičnym forumie ŭ Hrodnie. Pavodle jaho słovaŭ, udzieł u AAT «Torfabrykietny Zavod Ašmianski» ekśpierymientalny. Kancern cikaviać jašče niekalki biełaruskich pradpryjemstvaŭ. Na siońniašni dzień pamiž litoŭskim i biełaruskim bakami iduć pieramovy, afarmlajecca biznes-płan ab stvareńni sumiesnaha pradpryjemstva.
Dyrektar Ašmianskaha torfabrykietnaha zavoda Arkadź Kirkoŭski paćvierdziŭ hatoŭnaść pradać 50-pracentny pakiet akcyj pradpryjemstva.
«My zacikaŭlenyja ŭ supracoŭnictvie, udzieł litoŭskich partnioraŭ pryviadzie da pavieličeńnia abjomaŭ vytvorčaści i pastavak na ekspart», - ličyć jon.
Torf pradpryjemstva zdabyvaje na radoviščy Mikuliški ŭ Ašmianskim rajonie. Torfabrykiet pastaŭlajuć na ŭnutrany rynak i ŭ krainy Bałtyi. Cikaviać rynki dla pašyreńnia ekspartnaj hieahrafii - Hiermanija, Łatvija, Litva, Polšča, Čechija. Pavodle acenak śpiecyjalistaŭ, zapasaŭ pryrodnaha paliva chopić nie mienš čym 30 hadoŭ. Mahčyma, pastaŭki ašmianskaha torfu buduć ažyćciaŭlacca ŭ tym liku dla pakryćcia futbolnych paloŭ i paloŭ dla holfa ŭ krainach Jeŭropy.
Kancern «Achiema hrup» pracuje z Hrodnie nie tolki na pieravałcy ŭhnajeńniaŭ vytvorčaści AAT "Hrodna Azot". Akramia łahistyki ŭ Kłajpiedskim porcie jość supracoŭnictva ŭ kupli i prodažy asobnych tavaraŭ. Kampanija płanuje vyjści na abjom tavaraabarotu z kampanijami Biełarusi ŭ 100 miljonaŭ jeŭra. Asnoŭnymi partniorami kancerna letaś stali taksama AAT «Biełaruśkalij» i RUP «Biełaruski mietałurhičny zavod». Kancernu naležyć bolš za 30 pradpryjemstvaŭ roznaha profilu ŭ Litvie i za miažoj, u tym liku KLASCO.
KLASCO naležyć adzin z dvuch terminałaŭ u Kłajpiedzie, praź jakija ažyćciaŭlajecca pieravałka biełaruskich uhnajeńniaŭ. Taksama «Achiema hrup» źjaŭlajecca druhim pa vieličyni paśla dziaržavy saŭładalnikam kampanii Klaipedos nafta. U dziaržavy - 70,63% akcyj naftaterminała, u Achemos grupe - 9,58%. «Achiema hrup» - treciaja pa abarocie ŭ Litvie. U 2011 hodzie atrymany dachod paradku 1 miljarda jeŭra.
Najbujniejšym akcyjanieram «Achiema hrup» źjaŭlajecca Lidzija Łubień - spadčyńnica dobra viadomaha ŭ Biełarusi kiraŭnika Litoŭskaj kanfiederacyi pramysłoŭcaŭ Branisłavasa Łubisa, zaŭčasna pamierłaha ŭ kancy minułaha hoda.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary