Źviestki pra abanientaŭ Byfly stanuć dastupnyja dla «apieratyŭna-vyšukovaj dziejnaści»

Heta vynikaje z paviedamleńnia na sajcie kampanii, jakoje niekatory čas było dastupnaje ŭ internecie, a potym było vydalena.

U paviedamleńni kampanii pad zahałoŭkam "27.04.2012 — karotkačasovaja adsutnaść suviazi ŭ abanientaŭ byfly" havaryłasia:

"27.04.2012 z 01.00 da 06.00 buduć pravodzicca raboty pa realizacyi prajekta SZVM sietki pieradačy danych RUP "Biełtelekam",

Nahadajem, ukazam prezidenta № 129 ad 3 sakavika 2010 hoda było zaćvierdžana pałažeńnie ab paradku ŭzajemadziejańnia apierataraŭ elektrasuviazi (za vyklučeńniem tych, što akazvajuć pasłuhi pa raspaŭsiudžvańni prahram televizijnaha i radyjoviaščańnia) z orhanami, jakija ažyćciaŭlajuć apieratyŭna-vyšukovuju dziejnaść (AVD).

Dakumient rehłamientuje paradak ich uzajemadziejańnia pry: akazańni sadziejničańnia ŭ praviadzieńnia apieratyŭna-vyšukovych mierapryjemstvaŭ i stvareńni ŭmoŭ dla ich praviadzieńnia na sietkach elektrasuviazi; zabieśpiačeńni dostupu da baz danych, aŭtamatyzavanych sistem apierataraŭ, infarmacyi pra abanientaŭ i pra akazanyja im pasłuhi elektrasuviazi, a taksama da inšaj infarmacyi, nieabchodnaj dla vykanańnia zadač, uskładzienych na ŭpaŭnavažanyja orhany — tyja, jakija zajmajucca AVD.

U pałažeńni vykarystoŭvajecca paniaćcie "addalenyja punkty kiravańnia sistemami techničnych srodkaŭ dla zabieśpiačeńnia apieratyŭna-vyšukovych mierapryjemstvaŭ" (SZVM). Pad takimi punktami majucca na ŭvazie abjekty z aparatnymi i prahramnymi srodkami dla kiravańnia SZVM, što vykarystoŭvajucca orhanami dziaržbiaśpieki i Apieratyŭna-analityčnym centram pry prezidencie.

Pałažeńnie ŭstanaŭlivaje, što pry pabudovie sietki elektrasuviazi apieratar abaviazany vykarystoŭvać srodki elektrasuviazi, jakija dazvalajuć zabiaśpiečyć ukaranieńnie i ekspłuatacyju SZVM, što praduhledžvajuć niezaležnaje padklučeńnie addalenych punktaŭ kiravańnia SZVM orhanaŭ dziaržbiaśpieki i Apieratyŭna-analityčnaha centra.

Dakumient rehłamientuje pytańni nabyćcia i ekspłuatacyi bakami nieabchodnaha abstalavańnia. Tak, naprykład, jon abaviazvaje apieratara za košt ułasnych srodkaŭ i inšych krynic, nie zabaronienych zakanadaŭstvam: nabyvać, ustanaŭlivać, absłuhoŭvać i ramantavać SZVM, za vyklučeńniem addalenych punktaŭ kiravańnia SZVM; achoŭvać źviestki ab taktycy praviadzieńnia AVM, abmiažoŭvać koła asob, jakija pryciahvajucca da ŭstanoŭki, absłuhoŭvańnia i ramontu SZVM; nabyvać i ekspłuatavać kanałaŭtvaralnaje abstalavańnie, raźmieščanaje na ab`iektach elektrasuviazi, dla arhanizacyi kanałaŭ suviazi z addalenymi punktami kiravańnia SZVM.

Pavodle patrabavańnia orhanaŭ, upaŭnavažanych na praviadzieńnie AVD,

apieratar abaviazany davać biaspłatny kruhłasutačny addaleny dostup da baz danych abanientaŭ z vykarystańniem techničnych srodkaŭ hetych orhanaŭ.

U adpaviednaści z pałažeńniem

bazy danych abanientaŭ — fizičnych asob pavinny źmiaščać: abaniencki numar, proźvišča, imia, imia pa baćku, adras abanienta ci adras ustanoŭki kancavoj abanienckaj pryłady (terminała), źviestki, jakija dazvalajuć vyznačyć (identyfikavać) abanienta ci jaho terminał, a dla abanientaŭ sietki sotavaj ruchomaj elektrasuviazi — taksama rekvizity dakumienta, što śviedčyć asobu (nazva, sieryja, numar, data vydačy i najmieńnie dziaržaŭnaha orhana, jaki vydaŭ dakumient); ahulnyja źviestki ab pasłuhach elektrasuviazi, aktyvavanych abanientam.

• 0
• 0
• 0
• 0
• 0
• 0
• 0
• 0