«Ja zakidvaŭ pomnik Leninu jajkami, kab vykazać svajo staŭleńnie da kamunizmu» — videa
Praciahvajecca sud nad maładafrontaŭcami pa pazovu kampartyi Biełarusi.
3 maja ŭ sudzie Maskoŭskaha rajona Minska praciahnułasia sudovaje pasiadžeńnie pa hramadzianskim isku pradstaŭnikoŭ kampartyi Biełarusi da členaŭ mižnarodnaj maładziožnaj arhanizacyi «Małady front» Paŭła Siarhieja, Ramana Vasiljeva i Michaiła Muskaha, jakija 7 listapada 2011 hoda padčas mitynhu zakidali jajkami pomnik Leninu.
«Ja zakidvaŭ pomnik Leninu jajkami, kab vykazać svajo staŭleńnie da kamunizmu. Ja liču siabie chryścijaninam, i čyrvonyja ściahi i savieckaja simvolika, pad jakoj niekali zabivali chryścijan, dla mianie źniavaha. Heta nienarmalna. Tak nie pavinna być u narmalnaj krainie», — zajaviŭ Pavieł Siarhiej.
Pravaabaronca Anastasija Łojka prahnazavać, čym zavieršycca sprava, pakul nie biarecca, tamu što ŭ Biełarusi, «dzie sudovaja sistema daŭno nie nosić abjektyŭny i niezaležny charaktar», rabić jakijaś prahnozy nialohka. «Śviedku z boku milicyi znajšli vielmi chutka — heta śviedčyć pra toje, što niejkaja suviaź i kantakt z sudom u ich idzie. Kali abjektyŭna, to mnie zdajecca, što nie zusim abhruntavana tut vystaŭlajucca maralnyja i materyjalnyja pretenzii. Cikava, što vyrašyć sud, tamu što nijakich abjektyŭnych dokazaŭ niama. Jość dastatkova vialikija supiarečnaści ŭ adnaho ź istcoŭ i zavyšany košt patrabavańniaŭ», — zaznačyła Łojka.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju7
Kamientary