CHK «Dynama-Minsk» aficyjna patłumačyŭ daterminovaje skasavańnie kantraktu z prasłaŭlenym hałkipieram.
«U suviazi ź nievykanańniem kantraktnych abaviazkaŭ pierad CHK «Dynama-Minsk» u zbornaj Biełarusi, što vylilisia ŭ samavolny adjezd ź jaje raźmiaščeńnia padčas čempijanatu śvietu-2012, kirujučysia artykułami 29 i 32 Pravavoha Rehłamientu KCHŁ, punktam 5 artykuła 42 Pracoŭnaha kodeksa Respubliki Biełaruś, kłub pryniaŭ rašeńnie ab daterminovym skasavańni kantraktu z Andrejem Miezinym pa padstavach, jakija adnosiacca da dyscyplinarnym spahnańniaŭ»: prahuł, u tym liku adsutnaść na pracy bolš za try hadziny na praciahu pracoŭnaha dnia, biez uvažlivych pryčyn, kłub pryniaŭ rašeńnie ab daterminovym skasavańni kantraktu z Andrejem Miezinym na padstavach, jakija adnosiacca da dyscyplinarnych spahnańniaŭ.
Infarmacyja pra heta raźmieščana na aficyjnym sajcie kłuba.
***
Toje, što Andrej Miezin i kanadski forvard Daniel Korsa pakidajuć chakiejnaje minskaje «Dynama» na sustrečy z žurnalistami jašče 1 červienia paviedamiŭ spartyŭny dyrektar kłuba Ihar Matuškin. Pavodle słovaŭ Matuškina, «kłub nie zadavalniaŭ uzrovień hulni Korsa ŭ minułym siezonie». Ź Miezinym było vyrašana skasavać pahadnieńnie paśla čempijanatu śvietu.
«Kłub nie bačyć Andreja ŭ składzie kamandy. Nie zadavalniaje jaho ciapierašni ŭzrovień hulni», — skazaŭ tady Matuškin. Na čempijanacie śvietu pa chakiei 2012 hoda Andrej Miezin samavolna pakinuŭ raźmiaščeńnie zbornaj Biełarusi pad kiraŭnictvam Kary Chiejkili i źjechaŭ.
Za «Dynama» Miezin hulaŭ ad 2009 h.
Kamientary