Jamu na 10 hadoŭ zabaronieny ŭjezd u našu krainu.
Rasijskaha
Paviedamleńnie pra vysyłku padpisana časovym vykanaŭcam abaviazkaŭ načalnika Maskoŭskaha RUUS. U hetym dakumiencie ŭkazana, što razhlad pytańnia pra departacyju budzie prachodzić u Centry izalacyi pravaparušalnikaŭ prykładna ŭ 8 hadzin ranicy i Ažaroŭski moža prysutničać pry hetym. Adnak pytańnie pra departacyju było razhledžana biez Ažaroŭskaha, pakolki jaho ŭžo pasadzili ŭ ciahnik i adpravili ŭ Smalensk.
Maskoŭskaje RUUS vyrašyła heta pytańnie ŭ pazasudovym paradku na toj padstavie, što Ažaroŭski byŭ asudžany za drobnaje chulihanstva.Heta adbyłosia niahledziačy na toje, što ŭ adpaviednaści z zakanadaŭstvam pastanova pra administracyjny aryšt jašče nie nabyła mocy, bo była abskardžana ŭ piacidzionny termin. Kasacyjnaja skarha na pastanovu suda ab administracyjnym aryšcie Ažaroŭskaha budzie razhladacca 30 lipienia Minskim haradskim sudom.
«U Minsku zastalisia maje rečy i patrebnyja mnie dakumienty. Maju kredytnuju kartku zabrali z maich asabistych rečaŭ u Centry izalacyi pravaparušalnikaŭ i kupili mnie pa joj biez majho dazvołu bilet na ciahnik da Smalenska», — raskazaŭ BiełaPAN Ažaroŭski.
Usie hetyja padziei jon rasceńvaje jak pravakacyju ŭład, skiravanuju nie tolki suprać jaho asabista, ale i suprać usiaho antyjadziernaha ruchu Biełarusi. «U prychilnikaŭ AES u Biełarusi nie zastałosia inšych arhumientaŭ, akramia chłuśni i pravakacyj», — havoryć vučony.
Heta nie pieršy vypadak, kali biełaruskija ŭłady prymianiajuć zapałochvańni i represii ŭ dačynieńni da ludziej, jakija zmahajucca ź niebiaśpiečnym budaŭnictvam biełaruskaj AES, ličyć Ažaroŭski.«U svoj čas za pazicyju suprać Astravieckaj AES z pracy byŭ zvolnieny dyrektar łandšaftnaha zakaźnika Ihar Pastuchoŭ, nieadnarazova padviarhaŭsia sudovamu pieraśledu i vobyskam Mikałaj Ułasievič, žychar vioski Varniany pad Astraŭcom, nie tak daŭno byŭ zatrymany vučony, doktar techničnych navuk Hieorhij Lepin, — havoryć jon. — Prychilniki biełaruskaj AES bajacca adkrytaj dyskusii, źviartajucca da zapałochvańniaŭ, represijaj. Jany paźbiahajuć abmierkavańnia pytańnia pa sutnaści, nie znachodziać, što adkazać na našu krytyku. Heta havoryć tolki pra toje, što jany nie majuć racyi!»
Nahadajem, heta druhi aryšt Andreja Ažaroŭskaha ŭ Biełarusi, źviazany ź jaho krytykaj prajekta biełaruskaj AES. Upieršyniu jon byŭ aryštavany ŭ Astraŭcy za sprobu ŭvajści ŭ zału hramadskich słuchańniaŭ z materyjałami krytyki acenki ŭździejańnia na navakolnaje asiarodździe, adnym z aŭtaraŭ jakoj źjaŭlaŭsia.
Nahadajem, ekałahičnyja aktyvisty Taćciana Novikava i Andrej Ažaroŭski byli zatrymany ŭ Minsku 18 lipienia. U 12.00 Novikava, Ažaroŭski i staršynia praŭleńnia hramadskaha abjadnańnia «Ekadom» Iryna Suchij źbiralisia pieradać u pasolstva RF u Minsku adkryty zvarot suprać padpisańnia hienieralnaha kantrakta na budaŭnictva AES.
-
Prapahandysty pakazali na niekalki siekund papierku ź imionami raniej vyzvalenych palitviaźniaŭ. Što za ludzi ŭ hetym śpisie?
-
Trenierka-błohierka abraziła naviedvalnicu ŭ trenažorcy ŭ Novaj Baravoj. Ciapier skardzicca na ckavańnie
-
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Kamientary