20 kvater na paviersie, «adnapakajoŭki» buduć płoščaj 25–30 kv. mietraŭ.
Urad pastaviŭ zadaču zabiaśpiečyć biełarusaŭ niedarahim novym žyllom. Što dla hetaha nieabchodna? Pierahledzieć typavyja prajekty i spraścić płaniroŭki, zrabić žyllo maksimalna kampaktnym, admovicca ad «lišnaściaŭ» u vyhladzie kładovak, daŭhich kalidoraŭ i prastornych kuchniaŭ.
Na dumku ekśpiertaŭ, siońnia dla maładoj siamji bieź dziaciej dastatkova małamietražki płoščaj 20–25 kvadratnych mietraŭ. Miarkujučy pa ŭsim, chutka hetyja płany pačnuć pieratvaracca ŭ žyćcio.U ZAT «Biełzamiežbud» užo raspracavany prajekt pieršaha kompleksu žyłych damoŭ z małahabarytnyja kvaterami.
Jak piša «Stroitielnaja hazieta», zaraz padbirajecca ŭčastak dla budaŭnictva kompleksu na terytoryi Minska i Minskaha rajona. Piacipaviarchovyja damy buduć składacca z žyłych pamiaškańniaŭ płoščaj 25 i 30 kv. m.
«Heta budzie kalidorny typ žylla z ahulnym adzinym uvachodam,— tłumačyć načalnik upraŭleńnia prajektnych rabot ZAT „Biełzamiežbud“ Vadzim Dražyn. — U skład kvatery, jakaja nahadvaje haściničny numar, uvachodzić vydzieleny sanitarny vuzieł i žyłoje pamiaškańnie. Pakoj umoŭna dzielicca na zony: kuchonnaja, abiedziennaja, pracoŭnaja i zona kamunikacyi, jakaja lohka transfarmujecca ŭ spalnaje miesca».
U kampanii «Biełzamiežbud» ŭpeŭnienyja: raźmiaščeńnie takich damoŭ u isnujučaj zabudovie nie pierahruzić škoły i dziciačyja sady, pakolki na kvatery buduć pretendavać u asnoŭnym siamji bieź dziaciej abo samotnyja hramadzianie.Jak adznačaje vydańnie,
kvatery-studyi aryjentavany ŭ pieršuju čarhu na studentaŭ, maładyja siamiejnyja pary, piensijanieraŭ, heta značyć tych ludziej, jakija majuć patrebu va ŭłasnym žylli i pry hetym mohuć dosyć kamfortna pačuvacca ŭ «małahabarytcy».
Hałoŭnaja pieravaha takoha typu žylla — jaho dastupnaść. Pa niekatorych dadzienych, košt kvatery ŭ sučasnaj «małasiamiejcy» budzie supastaŭny z canoj novaha aŭtamabila.
Varta adznačyć, biełaruskija prajekciroŭščyki — nie pieršaprachodcy. Takija prajekty realizavanyja ŭ Rasii, Łatvii, Litvie, Hiermanii i inšych krainach, dzie małahabarytnyja kvatery budujuć nie tolki dla taho, kab zrabić tańniejšym žyllo, ale i kab padbudavać jaho pad ład žyćcia ludziej.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy32
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary