Uciečka mazhoŭ spynienaja: jašče adnamu vypuskniku BDU nie dali vyjechać u zamiežnuju mahistraturu
«Ja — vypusknik BDU, biudžetnaj formy navučańnia», — napisaŭ u «Našu Nivu» vypusknik Biełaruskaha dziaržaŭnaha ŭniviersiteta Vital.
Jašče studentam jon apublikavaŭ u haziecie niekalki hruntoŭnych artykułaŭ, ale hetym razam svajho proźvišča jon nie padpisaŭ, i voś čamu.
«Jašče viasnoju atrymaŭ raźmierkavańnie na pracu, a paśla taho atrymaŭ mahistranckuju stypiendyju Varšaŭskaha ŭniviersiteta. Pakul čakaŭ aficyjnaha zaprašeńnia, pacikaviŭsia ŭ administracyi fakulteta, ci nie budzie ŭ mianie prablem adnosna raźmierkavańnia — novy kodeks ab adukacyi ž dziejničaje! U adkaz mianie zapeŭnili, što heta sprava techniki. Biary zaprašeńnie, admacavańnie — i jedź va ŭniviersitecki adździeł kadraŭ. I voś, pryjechaŭšy z paznačanymi dakumientami ŭ rodny ŭniviersitet, daznajusia, što vučycca ja mahu jechać tolki kampiensavaŭšy zatračanyja na mianie za 5 hod srodki…
Nu dobra, sam durań, što jašče pry pastupleńni ŭ mahistraturu nie źviarnuŭsia da daśviedčanych jurystaŭ, a pajšoŭ u rodny dekanat. Ale pytańnie voś u čym: niaŭžo pavodle novaha kodeksu biełarusam, što dziakujučy svaim zdolnaściam pastupajuć na biudžet, šlach da nastupnaj jeŭrapiejskaj adukacyi začynieny jak minimum na 2 hady?
Miarkuju, adkaz na jaho budzie cikavy nie tolki mnie.
Z pavahaj, Vital».
Nahadajem, što niadaŭna ŭ anałahičnaj situacyi apynuŭsia inšy vypusknik BDU Aleś Šamiakin. Jon pastupiŭ u mahistraturu EHU, i Biełdziaržuniviersitet spahnaŭ ź jaho hrošy za navučańnie praz sud.
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
-
Jakaja budzie damova ZŠA ź Iranam, pakul niajasna, ale biełarusam plavać na detali. Važna, kab jana była
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary