Sabiekošt prajezdu ŭ mietro składaje 3.800–4.000 rubloŭ,zajaviŭ na
Pavodle jaho słoŭ, rašeńnie pra pavyšeńnie koštu prajezdu prymaje Minharvykankam pa ŭzhadnieńni ź Minekanomiki, i «jano zaležyć ad uzroŭniu žyćcia minčan». Pakul prapanoŭ z nahody pavyšeńnia taryfu nie było, paviedamiŭ načalnik mietro.
Jon taksama adznačyŭ, što akupnaść mietro składaje 55%, 45% datujecca ź biudžetu horada.Mietro zarablaje nie tolki za košt pieravozki pasažyraŭ, ale taksama rekłamy i arendy. Štomiesiac ad rekłamy ŭ vahonach atrymlivajuć vyručku ŭ 693 młn. rubloŭ, na stancyjach — 150 młn., za arendu — 472 młn. rubloŭ.
Razam z tym, adznačyŭ kiraŭnik, akazańnie pasłuh hramadskich tualetaŭ stratnaje.Taksama stratnaja praca liftaŭ i pryład dla invalidaŭ. «Ale takija pasłuhi sacyjalna značnyja i nieabchodnyja», — adznačyŭ Jurenia.
Što da siaredniaj zarabotnaj płaty rabotnikaŭ mietro, to Jurenia paviedamiŭ, što ŭ lipieni jana składzie 4,6 młn. rubloŭ, u červieni była 4 młn. Sioleta zarpłata pavialičvałasia čatyry razy, štoraz na 15%.
Mašynisty atrymlivajuć ad 7 da 9 młn. rubloŭ štomiesiac.
Pavodle słoŭ Jureni, siońnia ŭ mietro pracuje 4.300 čałaviek, mietro za minuły hod pieraviezła 268 młn. pasažyraŭ, u siarednim štodnia pieravozicca 732 tys. pasažyraŭ.
Pavodle słoŭ Jureni, uvod novych troch stancyj mietro hetaj vosieńniu pavialičyć pasažyrapatok, jak čakajecca, na 7%.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary