Hetym ŭik‑endam adbylisia matčy pieršaha turu čempijanatu Biełarusi pa futbole .
Hetym ŭik‑endam adbylisia matčy pieršaha turu čempijanatu Biełarusi pa futbole .
U centralnym matčy turu ŭ Kuncaŭščynie syšlisia «Daryda» z salihorskim «Šachcioram». Jak i prahnazavałasia, upartaj baraćby nie atrymałasia. «Harniaki» na praciahu ŭsiaho matču vałodali inicyjatyvaj i, jak vynik, zabili try biezadkaznyja hały. «Šachcior» staŭ adzinaj kamandaj, jakaja ŭ pieršym tury atrymała bujnuju pieramohu, i, takim čynam, uznačaliŭ turnirnuju tablicu.
«Naftan» tolki na apošniaj chvilinie zmoh paźbiehnuć razhromu, zabiŭšy hoł prestyžu u bramy «Homielu» — 1:3. Pieramohu hamielčukam zabiaśpiečyŭ udarny tandem napadnikaŭ Vasiluk — Strypiejkis. Pieršy zabiŭ dva hały, a druhi — adzin. «Nioman» taksama razmačyŭ lik u matčy z BATE ŭžo ŭ dadany čas — 1:2. U BATE dvojčy zabiŭ Hienadź Bliźniuk.
Aktyŭnaść žodzinca Andreja Šarakova dapamahła «Tarpeda» vyraŭniać lik u matčy ź mienskim «Dynama» — 2:2. Šarakoŭ zabiŭ za chvilinu da finalnaha śvistka.
U supraćstajańni dvuch navičkoŭ elity lepšym akazalisia «Smurhoni», jany ź likam 2:1 pieramahli «Miensk».
U inšych matčach turu zafiksavanyja nastupnyja vyniki: «Viciebsk» — «Dniapro» 0:2, «Dynama» (Bieraście) — MTZ‑RIPA 0:1.
Paśla pieršaha turu lidzirujuć «Šachcior», «Homiel», BATE, MTZ‑RIPA, «Dniapro» i «Smurhoni». Va ŭsich pa try punkty.
Kamientary