Akramia taho, Rasieja hatovaja dać Biełarusi kredyt na realizacyju prajektu.
Rasieja hatovaja ŭdzielničać u realizacyi prajekta budavańnia atamnaj elektrastancyi na terytoryi Biełarusi, paviedamiŭ siońnia Nadzvyčajny i Paŭnamocny Ambasadar Rasiejskaj Fiederacyi ŭ Respublicy Biełaruś Alaksandr Surykaŭ, adkazvajučy na pytańnie karespandenta BiełTA ab pierśpiektyvach miždziaržaŭnaha supracoŭnictva ŭ atamnaj enierhietycy.
Na jaho dumku, rasiejski bok zdoleŭ by zabiaśpiečyć prajektnyja pracy, vyrab i mantaž technałahičnaha abstalavańnia, u tym liku i jadziernaha reaktara. Akramia taho, Rasieja hatovaja dać Biełarusi kredyt na realizacyju prajektu. Budaŭnictva samoj stancyi mohuć ažyćciavić biełaruskija śpiecyjalisty — u ich nazapašany dastatkovy dośvied, adznačyŭ Alaksandr Surykaŭ. Na dadzienym etapie ŭzajemadziejańnie biełaruskich i rasiejskich atamščykaŭ ździajśniajecca na ŭzroŭni navukova‑daśledčych instytutaŭ.
Ambasadar Rasiei znachodzicca ŭ Viciebskaj vobłaści z dvuchdzionnaj pracoŭnaj pajezdkaj, padčas jakoj naviedaje pradpryjemstvy miasapierapracoŭčaj haliny, naftapierapracoŭki, a taksama paznajomicca z histaryčnymi i kulturnymi słavutaściami Viciebska i Połacka.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary