Акрамя таго, Расея гатовая даць Беларусі крэдыт на рэалізацыю праекту.
Расея гатовая ўдзельнічаць у рэалізацыі праекта будавання атамнай электрастанцыі на тэрыторыі Беларусі, паведаміў сёння Надзвычайны і Паўнамоцны Амбасадар Расейскай Федэрацыі ў Рэспубліцы Беларусь Аляксандр Сурыкаў, адказваючы на пытанне карэспандэнта БелТА аб перспектывах міждзяржаўнага супрацоўніцтва ў атамнай энергетыцы.
На яго думку, расейскі бок здолеў бы забяспечыць праектныя працы, выраб і мантаж тэхналагічнага абсталявання, у тым ліку і ядзернага рэактара. Акрамя таго, Расея гатовая даць Беларусі крэдыт на рэалізацыю праекту. Будаўніцтва самой станцыі могуць ажыццявіць беларускія спецыялісты — у іх назапашаны дастатковы досвед, адзначыў Аляксандр Сурыкаў. На дадзеным этапе ўзаемадзеянне беларускіх і расейскіх атамшчыкаў здзяйсняецца на ўзроўні навукова‑даследчых інстытутаў.
Амбасадар Расеі знаходзіцца ў Віцебскай вобласці з двухдзённай працоўнай паездкай, падчас якой наведае прадпрыемствы мясаперапрацоўчай галіны, нафтаперапрацоўкі, а таксама пазнаёміцца з гістарычнымі і культурнымі славутасцямі Віцебска і Полацка.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары