Ciapier palitviazień znachodzicca ŭ Respublikanskaj turemnaj bolnicy, što na Kalvaryjskaj. Siońnia sa svajakami Źmitra, siabrami i žurnalistami sustreŭsia hałoŭny ŭrač bolnicy.
Ciapier palitviazień znachodzicca ŭ Respublikanskaj turemnaj bolnicy, što na Kalvaryjskaj. Siońnia sa svajakami Źmitra, siabrami i žurnalistami sustreŭsia hałoŭny ŭrač bolnicy Alaksiej Paŭličenka.
Na minułym tydni A. Paŭličenka paabiacaŭ raspavieści ŭsim cikaŭnym pra stan zdaroŭja Daškieviča. Siońnia, adnak, nie prahučała peŭnaj infarmacyi. Źmicier znachodzicca na abśledavańni i tolki pa jaho zaviaršeńni budzie ahučany dyjahnaz.
Siońnia ž Z. Daškievič sustreŭsia sa svaim advakatam Alaksandram Halijevym. Pa słovach apošniaha, Źmicier ni na što nia skardzicca, vyhladaje niabłaha.
Aktyvistka niezarehistravanaha «Maładoha frontu» Nasta Pałažanka raspaviała, što paplečniki Źmitra ŭžo paśpieli sabrać jamu pieradaču, ale jon admoviŭsia. «Kaža, što nie ryzykuje vykarystoŭvać hetuju mahčymaść tut, bo niaŭpeŭnieny, ci nadoŭha tut zatrymajecca» — kaža Nasta.
Varta adznačyć, što jašče da aryštu daktary zabaranili Źmitru mocnyja nahruzki praz prablemy sa śpinoju. Miesiac tamu chłopiec byŭ pieraviedzieny na pracy na lesapavał, dzie musiŭ pierasoŭvać ciažkija biarviony. Praca na lesapilnym učastku ciahniecca bolš za 10 hadzinaŭ.
Kamientary