Litva dałučyłasia da sankcyj Eŭrasajuzu suprać biełaruskich čynoŭnikaŭ.
Litva dałučyłasia da sankcyj Eŭrasajuzu suprać biełaruskich čynoŭnikaŭ. Urad Litvy zaćvierdziŭ śpis asob, jakim zabaronieny ŭjezd na terytoryju krainy. Alaksandar Łukašenka abjaŭleny personaj non-hrata.
U litoŭskim MZSie padkreślivajuć, što hetaje rašeńnie paćviardžaje sankcyi Eŭraźviazu, a Litva jak siabra EZ tolki dałučajecca da ich.
Aproč Łukašenki, u «čorny śpis» uniesienyja ministry siłavych viedamstvaŭ, hienprakuror, kiraŭnik KDB Biełarusi, niekatoryja čalcy parlamentu.
U śpisie taksama paznačanyja kiraŭniki Prydniastroŭja, šerah asob z Sudanu, Uzbekistanu, Liberyi, Zymbabve, Konha, byłoj Juhasłavii.
Tym časam «nievyjaznaja» namieśnica kiraŭnika Administracyi prezydenta Natalla Piatkievič znachodzicca ŭ Švajcaryi. U Ženievie jana biare ŭdzieł u 96-j sesii Mižnarodnaj kanferencyi pracy. Razam ź Piatkievič ŭ švajcarskaj stalicy znachodziacca vice-premjer Andrej Kabiakoŭ (kiraŭnik biełaruskaj delehacyi), namieśnik ministra pracy Alena Kołas i namieśnik načalnika finansavaha ŭpraŭleńnia Savietu ministraŭ Alaksandar Rumak. Biełaruskaja ŭradavaja delehacyja prabudzie ŭ Ženievie da 10 červienia.
Kamientary