Kultura ŭ Połacku
Pavodle Kamiu
Aktory miascovaha narodnaha dramatyčnaha teatru «Čas» pad kiraŭnictvam Barysa Livina 14 červienia prezentavali pjesu «Nieparazumieńnie» pavodle Albera Kamiu. Aktory-amatary sabrali poŭnuju zalu. Vokličy adnoj z hałoŭnych hierainiaŭ pjesy ab tym, jak joj nadakučyła siarod šeraści dy chočacca «da mora», kab adčuć sapraŭdnuju svabodu, hučali vielmi nadzionna.
Andrej Alaksandraŭ
«Nakirunki śvietu»
Za apošni hod vosiem piśmieńnikaŭ i žurnalistaŭ z Połacku j Navapołacku byli pryniatyja ŭ Biełaruski PEN-centar. Svaje paśviedčańni jany atrymali ŭ minułuju sieradu ŭ połackim muzei-biblijatecy Simiaona Połackaha z ruk vice-prezydenta Biełaruskaha PEN-centru Karłasa Šermana.
U druhoj častcy sustrečy adbyłasia prezentacyja novaj knihi Karłasa Šermana «Nakirunki śvietu». Kniha składajecca z adnajmiennaj paemy, napisanaj pa-hišpansku, i jaje pierakładaŭ na biełaruskuju, anhielskuju j rasiejskuju movy. Spadar Šerman čytaŭ svaju paeziju pa-hišpansku i pa-biełarusku. Zatym jon raspavioŭ historyju svajho žyćcia, pra znajomstvy z Nerudam, Amadu, Markiesam.
Vasil Krokva, Połacak
Połacak na zdymkach
16 červienia ŭ Połacku adkryłasia fotavystava pad staraśvieckaj nazvaj «Tam, dzie Pałata sustrakajecca ź Dźvinoju…» U joj uziali ŭdzieł dzieviać fotamajstroŭ, siarod ich Ernst Cieciareŭski, Aleh Jelkin, Anatol Dubatoŭka. Vystava pryśviečana Połacku kanca XX st. Praktyčna ŭsie knihi pra Połacak, jakija pabačyli śviet u biełaruskich vydaviectvach za apošnija dvaccać hadoŭ, ilustravalisia zdymkami Cieciareŭskaha (u tym liku j chrestamatyjnaja kniha Uładzimiera Arłova «Tajamnicy połackaj historyi»). Ciapier hety fotamastak pracuje na zamovu vydaviectva «Biełaruś» nad novym fotaalbomam pra rodny horad. Siarod aŭtaraŭ vystavy i adzin z kiraŭnikoŭ połackaha rycarskaha klubu «Žalezny voŭk» Andrej Mikałajeŭ. Na jahonych fotazdymkach — vajarskija podźvihi siabroŭ klubu.
Vasil Krokva, Połacak
Kamientary