pazytyvy
BIEŁARUS I KNIHA
Ścipłyja statystyčnyja raźliki śviedčać, što isnuje prykładna 9.000.000 piśmiennych biełarusaŭ, ź jakich umieje čytać pa svojmu nia mieńš za 6.000.000. Tearetyčna na śviecie moža być da 2.000.000 pryvatnych biełaruskich biblijatek (kali ličyć biblijatekaj navat 1 knižku).
Jość hetaksama niekalki pytańniaŭ, na jakija varta šukać adkazu siońnia ŭsim čytačam “Našaj Nivy”:
- jaki adsotak biełarusaŭ nia maje ŭ haspadarcy nivodnaj knihi na rodnaj movie i čamu?
- kudy dziajucca vydadzienyja knihi i kamu jany patrebnyja?
Naprykład, tvory K.Marksa ŭ pierakładzie na biełaruskuju movu vydavalisia nieadnarazova ahulnym nakładam 350.000, F.Enhielsa – 250.000, U.Lenina – 5.000.000, I.Stalina – 8.000.000 asobnikaŭ. Toje samaje adbyvałasia z materyjałami parciejnych źjezdaŭ i da t.p. łuchtoj. Kožnaja siamja pavinna zaraz mieć tuzin kamunistyčnych knižak. Nia maje…
Pra inšyja žanry niama čaho j kazać, bo paśla ŭźjadnańnia bolšaści nacyi ŭ adnoj dziaržavie suadnosiny nakładaŭ biełaruskaha i rasiejskaha niaŭchilna mianiajucca ŭ horšy bok, i heta dobra vidać na malunku.
Toje samaje adbyvajecca i z kolkaściu najmieńniaŭ. Da vajny vydavałasia najmieńniaŭ knih pa-rasiejsku ŭdvaja bolš, čym pa-našamu, a pa vajnie siarednija suadnosiny biełaruskich da rasiejskich – 1/7. Kali ž pahladzieć suadnosiny pa ŭmoŭnych drukarskich arkušach, dyk naohuł - 1/9. Tym časam ahulny nakład usich vydadzienych knih vyras z sarakavoha hodu bolš jak ŭ šeść razoŭ.
U siarednim za hod vydavałasia našaj movaj 380 najmieńniaŭ knižak taŭščynioj kala 200 staronak i nakładam 7000 asobnikaŭ kožnaja. Heta značyć, na siamju prypadała štohod pa 1,3 novych biełaruskich knižki, a z ulikam vyšejzhadanych i inšych pieravydańniaŭ – 0,37.
Zrazumieła, što vydajucca nia spres šedeŭry. Tamu, kab sabrać sto lepšych knih stahodździa, siaredniaj biełaruskaj siamji sta hadoŭ nia chopić.
Takimi tempami moža žyć tolki nacyja, jakaja hladzić ŭ biaskoncy Suśviet niby na druhi bierah raki.
Kamientary