Nia złoviš!
Akcyi pad lozunhami “Nie — vybarčamu farsu” i “Siońnia Miłošavič — zaŭtra Łukašenka” sabrali ŭva ŭsioj krainie 10 tysiač čałaviek, choć tolki ŭ 9 haradach z
23-ch, dzie byli padadzienyja zajaŭki, ułady dazvolili mitynhi.
Samaja masavaja akcyja adbyłasia ŭ Bieraści — na stadyjonie sabrałasia bolš za 1500 čałaviek. U Horadni, jak paviedamiŭ Siarhiej Maksimovič, na płoščy pierad harvykankamam sabrałasia bolš za 1000 vybarcaŭ. Paśla vystupaŭ S.Domaša, V.Viačorki i A.Dabravolskaha adbyłosia impravizavanaje šeście da siadziby BNF. Bolš za 500 čałaviek sabraŭ mitynh u baranavickim parku. 1200 čałaviek vyjšli na vulicy ŭ Homieli.
Niešmatlikaj była akcyja ŭ Lidzie, ale tutaka ŭłady sami spravakavali niesankcyjanavanaje šeście 60 čałaviek pad bieł-čyrvona-biełym ściaham, vymusiŭšy ludziej prajści ad zabaronienaha miesca praviadzieńnia mitynhu da dazvolenaha. Siarod vystupoŭcaŭ byli hości ź Miensku A.Cynkievič i V.Siŭčyk, a taksama nikomu nie viadomaja žančyna, jakaja, amal nie zakranajučy palityčnaje tematyki, vielmi pryhoža havaryła pra honar biełaruskaje movy. Lidzki mitynh byŭ bahaty na zatrymańni — 5 čałaviek, u tym liku staršyni lidzkich BNF i “Narodnaje Hramady”, a taksama adzin čałaviek za dzień da mitynhu — “za rasklejvańnie ŭlotak”. Mieŭ racyju benefist, arhanizatar mitynhu, kali pryjechaŭ na akcyju na rovary — paśla ŭsie my nazirali, jak milicyjanty biehajuć za im, kab “skłaści pratakoł”. Adnak nie złavili.
U Viciebsku, dzie na mitynh sabralisia 500 čałaviek, było zatrymana siamiora, u Salihorsku — troje, ź ich dvoje mienčukoŭ, u Rahačovie ŭłady zabaranili akcyju, a mikraaŭtobus z haściami ź Miensku navat nie ŭpuścili ŭ horad. Ab ahulnaj kolkaści zatrymanych kazać pakul rana — aryšty praciahvajucca. Naprykład, jak paviedamlaje nam naš mahiloŭski karespandent Symon Hłazštejn, tam na niesankcyjanavany mitynh sabrałasia kala 100 čałaviek i amal stolki ž milicyjantaŭ. Padčas akcyi nikoha nie zatrymali, ale paśla AMAP ačapiŭ upravu BNF, i kolki čałaviek zatrymajuć — pakul nieviadoma.
A toje, što ludziej było nie tak mnoha, jak chaciełasia b — dyk heta tolki z-za taho, što biełarusy ŭ adboračnym matčy čempijanatu śvietu pa futbole prajhrali palakam ź likam 1:3. Ludzi rasčaravanyja… Dyk zmahajmasia za inšuju ŭładu — pry hetaj my nia vyjhrajem.
Andruś Biełavoki
Kamientary