Dziŭnyja rečy adbyvajucca apošnimi tydniami na rynku mabilnaj suviazi: dva miascovyja hihanty, jakija sprabuć źjadnać svajej suviaźziu ŭsiu Biełaruś, vybrali zusim nie charakternuju dla Biełarusi markietynhavuju stratehiju.
Velcom i MTS pilna adsočvajuć reklamnuju palityku adno adnaho i robiać chady ŭ adkaz. Imhniennaść reakcyj uražvaje.
GSM-kampanii majuć na mecie zavabić jak maha bolš klijentaŭ. Heta jaskrava bačna z reklamnych praduktaŭ. MTS skiroŭvaje nasielnictva na tannaść praduktu i prapanuje razam pierachodzić da ich. Velcom vypuskaje ščymlivuju audyjohistoryju pra chłopčyka, jakomu treba viarnuć svoj padarunak uviesnu. Z hetaha vynikaje, što na siońnia kolkaść biełaruskich GSM-abanentaŭ dabrała svaju “krytyčnuju masu”, i kampanii mabilnaj suviazi najpierš sprabujuć ich dzialić. Adna choča pieraciahnuć peŭnuju kolkaść užo najaŭnych abanentaŭ da siabie, a druhaja — usimi šlachami zachavać klijentaŭ. Aperatary mienš, čym raniej, spadziajucca na ahulnaje pavieličeńnie “mabilnych” hramadzianaŭ u Biełarusi, a hałoŭnuju ŭvahu źviartajuć na zmahańnie za “padłučanych”. Sapraŭdy, kali nia budzie radykalnych źmienaŭ u palitycy kampanijaŭ (rezkaje źnižeńnie taryfaŭ, biaspłatnyja razmovy pamiž abanentami adnaje kampanii, pasekundnaja taryfikacyja), rost klijentury moža zamarudzicca.
Alaksiej Čubat
Kamientary