| FOTA ANATOLA KLEŠČUKA |
Pryroda pakłapaciłasia pra toje, kab stvaryć śviatočny nastroj, dasłaŭšy pad Novy hod ciopły cyklon z Atlantyki, jaki prynios z saboj śnieh. Za pieršyja dni studzienia vypała kala 30% miesiačnaj normy apadkaŭ. Najbolš na Vialejščynie dy Viciebščynie, dzie ŭžo 3 studzienia nasypała 25—28 sm.
5 studzienia cyklon pajšoŭ na Rasieju, a nam zastałosia prazrystaje nieba dy marazy, što pieratvaryli drevy ŭ krochkija biełyja karały. Cisk pavialičyŭsia da 745 mm, temperatura ŭpała. Śnieh išoŭ tolki miescami. Vilhotnaść była pad 80%, viecier — kala 5 m/s. Siaredniaja temperatura dniom — kala 13—15 hradusaŭ marozu, miescami da -20 °S, nočču -20… -25°S hradusaŭ marozu. Samaja nizkaja temperatura ŭ Miensku hetymi dniami była roŭnaja -27 °S. Ale heta jašče što — voś u Kličavie ŭ noč z 7 na 8 studzienia było zarehistravana ažno -35 °S. Apošni raz pieršaja pałova studzienia była takoj chałodnaj tolki ŭ 1987 h.
Synoptyki kažuć, što pik marazoŭ minuŭ 8—9 studzienia. Dzionnaja temperatura ŭzdymiecca da nie takich užo strašnych 7—9 hradusaŭ marozu. Praŭda, u subotu moža znoŭ pachaładnieć, ale nienadoŭha. U siaredzinie nastupnaha tydnia mahčymaja zavirucha, bo viecier uzmocnicca da 11—13 m/s. Vidać, pryčakali my ŭrešcie narmalnaje zimy, kštałtu taje, ź dziacinstva našych baćkoŭ, kali «śniehu pa strechi namiatała». Ciapier strechi zrabilisia vyšejšyja, ale sioletnija marazy daduć koliś i nam mažlivaść z honaram skazać unukam: «Chiba heta zima? Vo koliś byli zimy dyk zimy!»
Aleś Kudrycki
Kamientary