На нацыянальнай краўдфандынгавай платформе «Талака» поўным ходам ідзе збор сродкаў на дазапіс і выданне дэбютнага альбому фольк-рок праекта «Тутэйшая шляхта (TŠ)».
У 2014 годзе калектыў распачаў студыйную працу над паўнавартасным фольк-рок альбомам з рабочай назвай «Сармацкі рок». Першымі вынікамі гэтай працы сталі прэзэнтаваныя ў 2014—2015 гадах некалькі студыйных запісаў, якія былі вельмі цёпла ўспрынятыя публікай, адзін з трэкаў — «Сэрца ў роспачы ня плача» — нават стаў песняй месяца на радыё «Сталіца».
У дадзены момант праца над альбомам выйшла на фінішную стадыю. Апошнія крокі да выдання кружэлкі «Тутэйшая шляхта» вырашыла зрабіць разам са сваімі прыхільнікамі. На ўсё пра ўсё калектыву патрабуецца 2 500 рублёў. У выніку поспеху краўдфандынгавай кампаніі альбом мусіць з'явіцца на свет ужо ў пачатку 2017 года. Разам з выданнем альбому «Тутэйшая шляхта» плануе выйсці са студыі на сцэну ў якасці жывога фольк-рок гурту, на афіцыйных старонках калектыву ўжо з'явілася аб'ява пра набор музыкаў у склад каманды.
«TŠ» — студыйны фольк-рок праект народнага ансамбля «Тутэйшая шляхта», які ставіць перад сабой мэту папулярызацыі беларускай нацыянальнай музыкі як сярод суайчыннікаў, так і за мяжой шляхам надання сучаснага гучання музычнай спадчыне ВКЛ, народным літвінскім і беларускім песням, а таксама аўтарскім творам беларускіх класікаў, з абавязковай «прыпраўкай» іх высокародным шляхецкім духам.
Тутэйшая Шляхта (TŠ) у сеціве: Facebook, VKontakte, Soundcloud.
Сейчас читают
Музыкант Тим Суладзе: Разница 30 лет — то, что соответствует моим представлениям об отношениях38
Комментарии