Na nacyjanalnaj kraŭdfandynhavaj płatformie «Tałaka» poŭnym chodam idzie zbor srodkaŭ na dazapis i vydańnie debiutnaha albomu folk-rok prajekta «Tutejšaja šlachta (TŠ)».
U 2014 hodzie kalektyŭ raspačaŭ studyjnuju pracu nad paŭnavartasnym folk-rok albomam z rabočaj nazvaj «Sarmacki rok». Pieršymi vynikami hetaj pracy stali prezentavanyja ŭ 2014—2015 hadach niekalki studyjnych zapisaŭ, jakija byli vielmi ciopła ŭspryniatyja publikaj, adzin z trekaŭ — «Serca ŭ rospačy nia płača» — navat staŭ pieśniaj miesiaca na radyjo «Stalica».
U dadzieny momant praca nad albomam vyjšła na finišnuju stadyju. Apošnija kroki da vydańnia kružełki «Tutejšaja šlachta» vyrašyła zrabić razam sa svaimi prychilnikami. Na ŭsio pra ŭsio kalektyvu patrabujecca 2 500 rubloŭ. U vyniku pośpiechu kraŭdfandynhavaj kampanii albom musić źjavicca na śviet užo ŭ pačatku 2017 hoda. Razam z vydańniem albomu «Tutejšaja šlachta» płanuje vyjści sa studyi na scenu ŭ jakaści žyvoha folk-rok hurtu, na aficyjnych staronkach kalektyvu ŭžo źjaviłasia abjava pra nabor muzykaŭ u skład kamandy.
«TŠ» — studyjny folk-rok prajekt narodnaha ansambla «Tutejšaja šlachta», jaki stavić pierad saboj metu papularyzacyi biełaruskaj nacyjanalnaj muzyki jak siarod suajčyńnikaŭ, tak i za miažoj šlacham nadańnia sučasnaha hučańnia muzyčnaj spadčynie VKŁ, narodnym litvinskim i biełaruskim pieśniam, a taksama aŭtarskim tvoram biełaruskich kłasikaŭ, z abaviazkovaj «prypraŭkaj» ich vysokarodnym šlachieckim ducham.
Tutejšaja Šlachta (TŠ) u siecivie: Facebook, VKontakte, Soundcloud.
Kamientary