Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra
Mała chto ź biełarusaŭ mieŭ taki pośpiech u «Što? Dzie? Kali?», jak Alena Povyšava. Ciapier jana, kapitan kamandy ŭ maskoŭskim «ŠDK», vyrašyła pasprabavać siabie ŭ realici-šou, dzie najlepšy padmanščyk atrymaje bolš za sto tysiač jeŭra.
Alena Povyšava — adna z macniejšych biełaruskich intelektuałak u historyi «Što? Dzie? Kali?», kapitan kamandy ŭ rasijskaj televiersii hulni. Taksama Povyšava pracuje ŭ rasijskim brendzie adzieńnia Befree, dzie zajmajecca maładymi talentami ŭ modnaj industryi.
Ciapier Alena vyrašyła pasprabavać siabie zusim u inšym telešou. Razam ź Siarhiejem Kašnikavym, naparnikam pa kamandzie i adnym z pradziusaraŭ KVZ, Alena paŭdzielničała ŭ druhim siezonie realici-šou «Vialiki kuš».
Prajekt zdymali ŭ stalicy Tajłanda, u Banhkoku. Tam znaŭcy z «ŠDK» zmahalisia ź viadomymi rasijanami za pryz u 10 miljonaŭ rasijskich rubloŭ (bolš za 110 tysiač jeŭra). U prajekcie ŭdzielničali 12 par — siarod ich, naprykład, śpiavačka Hlukoza i jaje dačka pad psieŭdanimam Ray.
Hetym param vydajuć adnolkavyja 12 čamadanaŭ. U adnym ź ich lažać tyja samyja pryzavyja hrošy, u jašče adnym — karta na vylet z prajekta, astatnija čamadany — pustyški. Kožnaj pary treba vyličyć pravilny čamadan i zastacca na prajekcie tak doŭha, jak mahčyma, a zaadno i pazmahacca za vyjhryš.
Dla hetaha im daviadziecca prydumlać svaju stratehiju, rašacca na intryhi, a časam i na brudnuju hulniu. U pieršym siezonie ŭdzielniki šou skardzilisia na niervovyja zryvy, manipulatarstva i tajemnyja zmovy kaleh pa prajekcie.
Alena ŭžo raskazała ŭ instahramie pra ŭdzieł u šou:
«Byvajuć u žyćci vielmi niečakanyja pavaroty siužeta, i heta jakraz jon. Z maim cudoŭnym siabručkom Siarhiejem Kašnikavym pieražyli niekatoruju pryhodu ŭ Banhkoku».
«Naša Niva» — bastyjon biełaruščyny
PADTRYMAĆ
Kamientary
jej do intiellekta, kak čieriepachie do kitajskoj hranicy.
otličnaja pamiať dla ihr - eto jeŝie daleko nie intiellekt.
vspomnitie vaśsiermana, takoj žie "intiellektuał"