Francyja ŭstanaviła rekord čempijanataŭ śvietu! Ale heta drenny znak
Zbornaja Francyi ŭ matčy 1/16 finału razhramiła šviedaŭ i stała pieršaj kamandaj u historyi čempijanataŭ śvietu, jakoj udałosia atrymać try bujnyja pieramohi zapar.
Na hrupavym etapie francuzy ŭpeŭniena prajšli Irak (3:0) i Narviehiju (4:1), a taksama biez prablem spravilisia ź Sieniehałam (3:1), prynamsi pa liku, nahadvaje «Sport-Ekspriess».
Raniej na ČS fiksavałasia 21 sieryja ź dźviuch bujnych pieramoh zapar: čaściej za ŭsio heta rabili brazilcy (siem razoŭ), pa dva razy — francuzy (ciapier paśla pośpiechu nad narviežcami ich stała try), anhličanie i niemcy.
Akramia taho, kamanda Dzidźje Dešama paŭtaryła najlepšy vynik pa kolkaści bujnych pieramoh za adzin turnir. Raniej pa try razy bujna pieramahali sapiernikaŭ zbornyja Brazilii (1950, 1958), Hiermanii (1954, 2010) i Anhlii (2022).
Francuzy ŭžo mieli padobnyja vyniki: u 1958 hodzie jany pieramahali parahvajcaŭ, paŭnočnych irłandcaŭ i zachodnich niemcaŭ, a praz 40 hadoŭ — paŭdniovaafrykancaŭ, aravijcaŭ i brazilcaŭ (u finale).
Adnak śpiašacca z radasnymi vysnovami «trochkalarovym» pakul nie varta.
Na praciahu mnohich hadoŭ bujnaja pieramoha na rańnich stadyjach płej-of čempijanatu śvietu ličycca drennaj prykmietaj.
Tak, u Katary ŭ 2022 hodzie try kamandy (Anhlija, Brazilija i Partuhalija — NN), jakija razhramili sapiernikaŭ u 1/8 finału, u vyniku vylecieli ŭ čverćfinale (ich vybili Francyja, Charvatyja, Maroka adpaviedna — NN).
Uvohule za apošnija 50 hadoŭ nie spatyknulisia paśla razhromnych pieramoh tolki brazilcy ŭ 1998 hodzie (pry hetym sapiernik taksama mieŭ bujnuju pieramohu), italjancy ŭ 2006 hodzie (tolki ŭ dadatkovy čas) i niemcy ŭ 2010 hodzie.
Bolš za toje, kamanda Joachima Lova dadała da 4:1 nad Anhlijaj jašče 4:0 nad Arhiencinaj, ale paśla sastupiła ispancam ź minimalnym likam.
U 1/8 finału Francyja zhulaje z Parahvajem, a kali projdzie jaho, to supiernikam u 1/4 finału budzie pieramožca matča Maroka — Kanada. A ŭ paŭfinale — užo Partuhalija/Charvatyja (Ispanija, Bielhija).
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary
Trenier staroj škoły z dyktatarskimi paŭnamoctvami (Alise budzie moja 10-ka)
4-3-3 z akcentam na centralnuju liniju (Rabio zamianiŭ Kane, kab davić mahutnych šviedaŭ), a nie toje, što tam redbułaŭskija Nahielsmany vydumlajuć
What could go wrong?
Nu, niešta ž pavinna zdarycca!
Tut možna jašče hladzieć zabityja - prapuščanyja (z akcentam na apošnija)
Francyja 1998 - 15-2
Italija 2006 - 12-2
Hišpanija 2010 - 8-2
Brazilija 1994 - 11-3
Brazilija 2002 - 18 -4
Hiermanija 2014 - 18 - 4
(u staražytnaść nie paleziem)
Karaciej, čampijony apošnich 2 pakaleńniaŭ nie abaviazkova supierzabiŭnyja, ale zvyčajna tak. Adnak jany vielmi mała prapuskajuć!
Vyklučeńnie - Arhientyna ŭ Katary 2022, ale tam šmat čaho było nietypovaje. Dahetul bolš 1 hoła za hulniu čampijon prapuskaŭ u 1970 hodzie - Brazilija.
Dyk voś Francyja pakul 13-2
Ale e na hetym čampijanacie i hulniaŭ bolej, čym kali-niebudź u historyi. Užo toj ža Chaałand nazabivaŭ, jak lepšyja bambardziry 80-90ch.