Prakuratura Hiermanii: Za padryvam «Paŭnočnych patokaŭ» staić ukrainskaja dziaržava
Fiederalnaja prakuratura Hiermanii zajaviła, što, pavodle materyjałaŭ śledstva, płan padryvu hazapravodaŭ «Paŭnočny patok» i «Paŭnočny patok — 2» byŭ raspracavany pa daručeńni dziaržaŭnych orhanaŭ Ukrainy. Takaja infarmacyja źmiaščajecca ŭ abvinavaŭčym zaklučeńni, apublikavanym 2 lipienia.
Abvinavačańnie vystaŭlena hramadzianinu Ukrainy Siarhieju Kuźniacovu, jakoha śledstva ličyć datyčnym da dyviersii. Pavodle infarmacyi prakuratury, u 2022 hodzie jon byŭ aficeram ukrainskaha vojska. Śćviardžajecca, što paśla pačatku poŭnamaštabnaj vajny razam ź inšymi vajskoŭcami jon udzielničaŭ u padrychtoŭcy apieracyi, metaj jakoj było spynić pastaŭki rasijskaha hazu ŭ Hiermaniju i pazbavić Rasiju dachodaŭ ad jaho prodažu.
Pa hetaj spravie prachodzili siem padazravanych, adnak adzin ź ich zahinuŭ padčas vajny va Ukrainie. Siarhieja Kuźniacova zatrymali letam 2025 hoda ŭ Italii, dzie jon znachodziŭsia ŭ adpačynku. Ciapier jon utrymlivajecca pad vartaj u Hamburhu.
Prakuratura paviedamlaje, što maje dastatkovyja padstavy padazravać jaho ŭ saŭdziele ŭ «vajennym złačynstvie» — napadzie na cyvilnyja abjekty z vykarystańniem vybuchovych rečyvaŭ, razbureńni infrastrukturnych abjektaŭ i parušeńni raboty pradpryjemstvaŭ.
Pavodle infarmacyi niamieckaj presy, sabranyja śledstvam dokazy ličacca važkimi. U pryvatnaści, paviedamlajecca, što padčas telefonnaj razmovy sa svajakami, zroblenaj ź italjanskaha śledčaha izalatara, padazravany nibyta kazaŭ pra svaju datyčnaść da vybuchaŭ.
Vybuchi na hazapravodach «Paŭnočny patok» i «Paŭnočny patok — 2» adbylisia ŭ vieraśni 2022 hoda. U vyniku byli paškodžanyja try z čatyroch nitak trubapravodaŭ. Na toj momant haz pa ich užo nie transpartavaŭsia: «Paŭnočny patok» byŭ spynieny Rasijaj niezadoŭha da vybuchaŭ, a «Paŭnočny patok — 2» tak i nie pačaŭ kamiercyjnuju ekspłuatacyju.
Nichto aficyjna nie ŭziaŭ na siabie adkaznaść za dyviersiju. Rasijski bok raniej zajaŭlaŭ, što padazraje ŭ datyčnaści da vybuchaŭ ZŠA i Vialikabrytaniju.
Lidarka ŭltrapravaj «Alternatyvy dla Hiermanii» paabiacała adnavić impart nafty i hazu z Rasii ŭ vypadku pieramohi na vybarach
Pucin prapanavaŭ Hiermanii adnavić pastaŭki rasijskaha hazu
Žurnalist-rasśledavalnik: «Paŭnočny patok» padarvała byłaja niu-madel z Kijeva
Łaŭroŭ: ZŠA chočuć zabrać «Paŭnočny patok» i «Paŭnočny patok — 2»
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Voś vam čarhovy prykład. Ukrainiec pazbaviŭ Rasieju dachoda, ad Hiermanii, dla viadzieńnia vajny. A niemcy jaho spajmali i ŭ turmu pasadzili. Złačyncam abjavili. Terarystam.
Niezakonnyje napadienija na hraždanskije objekty kłaśsificirujutsia kak vojennyje priestuplenija. Otvietstviennosť za nich niesut kak konkrietnyje ispołnitieli, tak i otdavšije prikaz vojenačalniki.