«Лукашэнка даў палякам па руках» — такое пасланьне закідаюць у масавую сьвядомасьць гэтымі тыднямі. «НН» прагназавала сем месяцаў таму, што ўлады паспрабуюць згуляць на антыпольскіх настроях. Цяпер наш журналіст шукае адказу на пытаньне, ці прынясе такая гульня палітычныя дывідэнды.
Лукашэнка душыць беларускіх палякаў і падтрымлівае савецкіх палякаў. Тых, на чале з Кручкоўскім. Якія лічаць толькі расейцаў і палякаў «сапраўднымі народамі», а беларускую грамаду — сваім галоўным ворагам. Кручкоўскі зараз будзе, як Козік у прафсаюзах. Нават прызы для найлепшых камбайнёраў-палякаў, мусіць, установіць. Гэныя савецкія палякі нагадваюць мне савецкіх габрэяў, якія асуджалі сіяністаў.
Мы бачым, што канфлікт зусім ня ў тым, што «адны палякі супраць другіх», як кажа пасол Латушка. Адных арыштоўваюць, не даюць газэты надрукаваць. Другім АМОН нагамі адчыняе дзьверы ў Дамы Польскія.
Беларускім палякам, частцы шматэтнічнай беларускай нацыі, «Наша Ніва» пасылае словы вітаньня і салідарнасьці. Словы Крыштофа Радзівіла: радзіма — гэта ня межы, ня землі, а свабоды і правы.
Я жонкі ў бардэль не прадам!
Лукашэнкаўцы запэўніваюць, што гандаль сувэрэнітэтам не вядзецца. Гэта як калі б мужчына запэўніваў сваю жонку, што ён яе ў бардэль не прадасьць. Сама пастаноўка пытаньня выдае, што ў мужчыны ў галаве. Ці можаце ўявіць, каб прэзыдэнт Літвы, кароль Нарвэгіі ці султан Аману запэўнівалі, што сувэрэнітэту краіны не перапусьцяць? Такая дзяржаўная палітыка прыцягвае ўвагу сатырыкаў. Яны шчэ ёсьць! Чытайце пра LLL-мульты.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары