У іншым выпадку ён не мае права набываць ці арандаваць дадатковую гандлёвую плошчу з мэтай гандлю.
Новая рэдакцыя закона «Аб дзяржаўным рэгуляванні гандлю і грамадскага харчавання», які ўжо ўнесены ў парламент, сярод іншага прадугледжвае развіццё добрасумленнай канкурэнцыі для буйных гульцоў гандлёвага рынку — рознічных сетак і буйнафарматных аб’ектаў.Пра гэта паведаміла намеснік міністра гандлю Ірына Наркевіч.
У новай рэдакцыі закона ўтрымліваецца норма, якая вызначае канкурэнтнае асяроддзе на рынку:
суб’ект гаспадарання на пэўным рынку (у памеры, напрыклад, гарадоў абласнога значэння, сталіцы, раёнаў) можа мець долю рознічнага тавараабароту не больш як 20%.У іншым выпадку ён не мае права набываць ці арандаваць дадатковую гандлёвую плошчу з мэтай гандлю. Аднак, як адзначыла Наркевіч, праблема дамінавання пэўнай гандлёвай сеткі больш актуальная для невялікіх гарадоў, чым для сталіцы.
Таксама дакумент прадугледжвае механізм празрыстасці паступлення тавараў у магазіны.«Што такое празрыстасць? Гэта не значыць — аднаму так, другому гэтак. Усё павінна быць абумоўлена. Для ўсіх умовы аднолькавыя. Буйная партыя — столькі вось будзе каштаваць тавар, дробная — столькі вось. Гэтыя ўмовы павінны будуць выстаўляцца публічна. Або на сайце, або па запыце контрагента ў пісьмовым выглядзе. Гэта магчымасць трапіць на паліцы любому вытворцу», — падкрэсліла намеснік міністра.
Малады работнік «Мінск-Арэны» павінен заплаціць 71 мільён даляраў4
Каментары