Першы Нацыянальны скаўцкі Джамбары Беларусі пройдзе ў ваколіцах Полацка з 5 па 13 ліпеня 2013 года, паведамляе ximik.info.
У праграму Джамбары (у перакладзе з індзейскага «сход усіх плямёнаў») уваходзяць: цырымонія адкрыцця і закрыцця, фестываль культур, выставы, тэматычныя скаўцкія гульні, экскурсіі ў Полацк і многае іншае.
Удзел у міжнародным злёце скаўтаў змогуць прыняць члены Беларускай рэспубліканскай скаўцкай асацыяцыя ва ўзросце ад 8 да 17 гадоў.
Юных прыхільнікаў творчасці Фенімора Купера, якія мараць навучыцца беспамылкова вызначаць сляды звяроў у лесе і арыентавацца на незнаёмай мясцовасці, чакаюць дзевяць незабыўных дзён на прыродзе, грандыёзныя гульні і экстрэмальныя выпрабаванні, а таксама знаёмства са скаўтамі з іншых краін.
Рэгістрацыя ўдзельнікаў будзе праводзіцца да 15 мая!
Дакументы і дадатковую інфармацыю, можна знайсці тут.
Беларуская рэспубліканская скаўцкая асацыяцыя існуе ў нашай краіне больш за 20 гадоў. Сёння арганізацыя налічвае больш за 1.000 дзеючых скаўтаў, а ўсяго за час існавання ў яе шэрагах пабывалі каля 30 тысяч чалавек.
Гісторыя моладзевага скаўцкага руху налічвае больш за сотню гадоў. Заснавальнікам сусветнай скаўтынгу стаў брытанскі афіцэр Роберт Стафенсан Сміт Бадэн-Паўэл.У 1907 годзе ён упершыню арганізаваў лагер для хлопчыкаў, дзе яны вывучалі свет раслін і жывёл, вучыліся аказваць першую медыцынскую дапамогу і дзейнічаць у экстрэмальных умовах.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары