Нядаўна ў сеціва трапіў новы кліп беларускамоўнага гурту Аmaroka пад назвай «Hubliaju kachańnie».
Кліп пабудаваны на эмоцыях Змітра Афанасенкі (саліст) і прыгожай здымкі за горадам. Песня у кліпе ўваходзіць у новы альбом «Pastka» які гурт выдаў у гэтым годзе. Вось як каментуе кліп лідар гурту:
— Мы не ставілі мэтай зрабіць бомбу, хацелася зрабіць прыстойнае відэа і паказаць перажыванні хлопца, у якога разбітае сэрца, які шукае сам сябе, які страціў самае важнае, як яму падаецца, у жыцці — каханне. У тым ліку гэта і мае ўласныя перажыванні, адчуванні, што беларускія дзяўчаты развучыліся кахаць. Сталі надта прагматычнымі кар’ерысткамі, якія забываюць пра пачуцці, пра каханне.
Пачуць песні з новага альбома слухачы могуць на фэсце «Зробім лепш» 15 кастрычніка ў клубе RE:PUBLIC.
Каментары