Выйшла з друку другое выданне кнігі.
Выйшла другое выданне беларускамоўнай версіі кнігі літоўскага даследчыка Эдмундаса Гімжаўскаса «Беларускі фактар пры фармаванні літоўскай дзяржавы ў 1915—1923 гг.».
У кнізе разглядаюцца розныя аспекты беларуска-літоўскіх адносін у перыяд ад пачатку нямецкай акупацыі Літвы і заходняй часткі Беларусі падчас Першай сусветнай вайны да прыняцця Канферэнцыяй паслоў Лігі нацый канчатковага рашэння аб уключэнні спрэчных тэрыторый Вільні і Віленшчыны ў склад польскай дзяржавы.
Аўтар прасочвае складванне гэтых адносін у шырокім кантэксце тагачасных міжнародных дачыненняў у рэгіёне. Дадзеная кніга на сённяшні момант з’яўляецца найбольш грунтоўным выданнем па адзначанай праблеме, якое да гэтага часу з’явілася ў гістарыяграфіі. Пры гэтым аўтар разглядае праблему комплексна і ўсебакова, шырока выкарыстоўваючы крыніцы беларускага паходжанне і не ігнаруючы здабыткаў беларускай гістарычнай навукі.
Да выдання далучана каляровая карта «Беларуска-літоўскі рэгіён у 1915—1923 гг.».
Поўны змест кнігі і ўмовы набыцця — тут.
-
Заміроўская: Страшна жыць у краіне, дзе цябе не хочуць бачыць. Амерыка цяпер — не самае радаснае месца
-
«Больш за год Святлана цяжка хварэла, але нават падчас хваробы не скардзілася» — Катынскі музей адгукнуўся на смерць Святланы Курс
-
У постапакаліптычным вестэрне Guns of Eschaton будзе беларуская мова. Лакалізацыю прафінансавалі два беларусы
Каментары