З 10 студзеня ў Нацыянальным мастацкім музеі Рэспублікі Беларусь будзе экспанавацца выстава «Роберт Генін. У пошуках раю».
У мастацтвазнаўстве існуе тэрмін мастакі «парыжскай школы». Пад ім разумеюць творцаў, які пэўны час жылі ў Парыжы і зведалі ўплыў гэтага горада ў сваім мастацтве. Сярод іх ёсць і беларусы.
Прычым тыя творцы, якія атрымалі сусветную вядомасць (Марк Шагал, Хаім Суцін, Восіп Цадкін), так і больш вядомыя на радзіме (Якаў Балглей, Міхаіл Кікоін, Павел Крэменя, Сэм Царфін, Восіп Любіч).
Да другой групы адносіцца і Роберт Генін (1884-1941), чый лёс быў багаты на падарожжы.
Генін нарадзіўся ў вёсцы Высокае Клімавіцкага павета Магілёўскай губерні. Атрымаў пачатковую мастацкую адукацыю ў Вільні і Адэсе. У 1902 з’ехаў у Мюнхен, пасля чаго жыў і працаваў у Германіі, Швейцарыі і Францыі. У 1936 годзе поўны энтузіязму, Генін вярнуўся ў СССР, каб ажыццявіць размалёўку сцен грамадскіх будынкаў у Маскве. Восенню 1941 года мастак скончыў жыццё самагубствам.
На выставе прадстаўлены цыкл аўталітаграфій «Кампазіцыі з фігурамі» (1912), перададзены ў дар Нацыянальнаму мастацкаму музею Аляксеем і Марынай Радзівонавымі ў 2012 годзе, а таксама працы, створаныя мастаком падчас яго падарожжа на востраў Балі ў 1926 годзе.
Да выставы Аляксей Радзівонаў падрыхтаваў каталог, у якім падрабязна разглядаецца «балійскі» перыяд творчасці Геніна. Там прадстаўлены больш за 100 работ, створаных падчас падарожжа на Балі (большасць твораў публікуецца ўпершыню).
Выстава будзе працаваць да 3 лютага.
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары