Аляксандр Лукашэнка павіншаваў народную артыстку СССР Алу Пугачову з юбілеем. Аб гэтым паведамілі БелТА ў прэс-службе беларускага лідара.
«Вы — унікальная асоба, адна з найвялікшых зорак сучаснай эстрады, чый непадуладны ні павевам часу, ні капрызам моды талент заваяваў прызнанне мільёнаў прыхільнікаў», — гаворыцца ў віншаванні.
«Вялікай павагі заслугоўвае падтрымка, якую Вы аказваеце маладым артыстам, з'яўляючыся для іх аўтарытэтным настаўнікам і натхняльным прыкладам адданага служэння мастацтву, — адзначыў Лукашэнка. — Мы высока цэнім Вас як выдатную спявачку і нашага даўняга сябра, чыя творчасць карыстаецца вялікай папулярнасцю на беларускай зямлі».
Каментары