Перастрэлка выбухнула ў велікодную ноч на адным з блокпастоў каля занятага прарасійскімі баевікамі горада Славянск у Данбасе. Трое баевікоў загінула, трое паранены. Згарэлі два аўтамабілі.
Расійскія СМІ абвінавацілі ў нападзе «Правы сектар» — украінскую нацыяналістычную арганізацыю. І сам «Правы сектар», і Служба бяспекі Украіны такую версію адхіляюць. У Данбасе Правага сектара проста не існуе. А ўрадавыя сілы абвяшчалі аб прыпыненні антытэрарыстычнай аперацыі на час Вялікадня.
«Высветлена, што гэтай ноччу ў Славянску не было ніводнай арганізацыі, акрамя саміх дыверсантаў і прадстаўнікоў крыміналітэту, якіх падтрымліваюць і ўзбройваюць афіцэры ГРУ ГШ ВС РФ. Гэта пацвярджаюць аператыўна-следчыя дзеянні, якія ажыццяўляюць на месцы праваахоўныя органы Украіны», — адзначылі ў прэс-цэнтры Службы бяспекі Украіны.
У спецслужбе таксама абверглі інфармацыю некаторых расійскіх СМІ, якія запэўніваюць, што ў інцыдэнце нібыта ўдзельнічалі прадстаўнікі «Правага сектара».
Па дадзеных СБУ, у выніку інсцэніроўкі вонкавага нападу на блокпост ў Славянску і расстрэлу некалькіх аўтамабіляў загінулі людзі.
Паводле МУС Украіны, сёння ноччу ў Славянску падчас перастрэлкі паміж дзвюма групамі грамадзян ёсць забітыя і параненыя. Паводле Данецкай міліцыі, напад здзейсніла група з 12 чалавек, якія прыехалі з боку Харкаўскай вобласці на чатырох аўтамабілях.
«У горадзе Славянску Данецкай вобласці 20 красавіка каля 3.00 на блокпосце паміж дзвюма групамі грамадзян адбылася ўзброеная сутычка. Пацярпелыя шпіталізаваны», — гаворыцца ў паведамленні МУС.
Падрабязнасці гэтага інцыдэнту ўдакладняюцца.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары