«Калі нас не пачуюць, усе рынкі проста закрыюцца»
Чаму бастуюць прадпрымальнікі?
«Нам ужо няма чаго баяцца», — кажа прадпрымальніца з Паўднёвага рынка Віцебска. Тыя, хто ўдзельнічае ў страйку, ахвотна ідуць на кантакт, нават нягледзячы на тое, што яны ў гэты дзень не на працоўных месцах, і сустракацца даводзіцца ў горадзе. Прадпрымальнікі, якія не падтрымалі забастоўку, ад каментароў адмаўляюцца, а калі і пагаджаюцца паразмаўляць, адразу ж просяць іх не паказваць. Аднак такіх у Віцебску 5 чэрвеня была меншасць: рынак «Смаленскі» быў зачынены на 95%, гандлёвы цэнтры «Эвіком» — на 90%, рынак «Паўднёвы» – на 80%, гандлёвыя цэнтры «Кантынент» і «Еўропа» — на 50%, «Беларусь» — на 40%.
Такім чынам прадпрымальнікі пратэставалі супраць указа прэзідэнта №222, згодна з якім яны абавязаныя мець суправаджальныя дакументы на ўсе тавары. Што рэальна значыць гэты ўказ для ІП? З якімі праблемамі яны сутыкнуліся, чаго баяцца і на што спадзяюцца?
«З 1 ліпеня мы фактычна будзем вымушаныя зачыніцца. Мы нават не зможам прадаваць рэшткі, якія прывезлі некалькі год таму: на іх зараз патрабуюць дакументы, якія раней былі непатрэбныя. Мы плоцім падатак, у 4 разы большы за базавую стаўку для прадпрымальнікаў, таму што прывозім імпарт і таму, што можам прывозіць тавар без суправаджальных дакументаў.
Але зараз з нас патрабуюць гэтыя дакументы, а тавары мы возім з Расіі — які гэта імпарт, калі мы у адзінай эканамічнай прасторы, у Мытным саюзе? Да таго ж, у нас патрабуюць дакументы, якіх няма ў расійскіх прадпрымальнікаў, яны проста не могуць нам іх даць. Няўжо нельга ўніфікаваць заканадаўства у краінах Мытнага саюза? Так працаваць немагчыма!» — кажа Ірына Яскевіч, старшыня арганізацыйнай групы па стварэнні незалежнага прафсаюза прадпрымальнікаў «Разам».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары