«Kali nas nie pačujuć, usie rynki prosta zakryjucca»
Čamu bastujuć pradprymalniki?
«Nam užo niama čaho bajacca», — kaža pradprymalnica z Paŭdniovaha rynka Viciebska. Tyja, chto ŭdzielničaje ŭ strajku, achvotna iduć na kantakt, navat niahledziačy na toje, što jany ŭ hety dzień nie na pracoŭnych miescach, i sustrakacca davodzicca ŭ horadzie. Pradprymalniki, jakija nie padtrymali zabastoŭku, ad kamientaroŭ admaŭlajucca, a kali i pahadžajucca parazmaŭlać, adrazu ž prosiać ich nie pakazvać. Adnak takich u Viciebsku 5 červienia była mienšaść: rynak «Smalenski» byŭ začynieny na 95%, handlovy centry «Evikom» — na 90%, rynak «Paŭdniovy» – na 80%, handlovyja centry «Kantynient» i «Jeŭropa» — na 50%, «Biełaruś» — na 40%.
Takim čynam pradprymalniki pratestavali suprać ukaza prezidenta №222, zhodna ź jakim jany abaviazanyja mieć supravadžalnyja dakumienty na ŭsie tavary. Što realna značyć hety ŭkaz dla IP? Ź jakimi prablemami jany sutyknulisia, čaho bajacca i na što spadziajucca?
«Z 1 lipienia my faktyčna budziem vymušanyja začynicca. My navat nie zmožam pradavać reštki, jakija pryvieźli niekalki hod tamu: na ich zaraz patrabujuć dakumienty, jakija raniej byli niepatrebnyja. My płocim padatak, u 4 razy bolšy za bazavuju staŭku dla pradprymalnikaŭ, tamu što pryvozim impart i tamu, što možam pryvozić tavar biez supravadžalnych dakumientaŭ.
Ale zaraz z nas patrabujuć hetyja dakumienty, a tavary my vozim z Rasii — jaki heta impart, kali my u adzinaj ekanamičnaj prastory, u Mytnym sajuzie? Da taho ž, u nas patrabujuć dakumienty, jakich niama ŭ rasijskich pradprymalnikaŭ, jany prosta nie mohuć nam ich dać. Niaŭžo nielha ŭnifikavać zakanadaŭstva u krainach Mytnaha sajuza? Tak pracavać niemahčyma!» — kaža Iryna Jaskievič, staršynia arhanizacyjnaj hrupy pa stvareńni niezaležnaha prafsajuza pradprymalnikaŭ «Razam».
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary