Былы кіраўнік ЮКАСа Міхаіл Хадаркоўскі пракаментаваў заяву кіраўніка Чачэнскай рэспублікі Рамзана Кадырава, які абвясціў былога алігарха сваім асабістым ворагам.
На сваім сайце Хадаркоўскі напісаў, што «прыняў да ведама пагрозу адданага прыхільніка Уладзіміра Пуціна», але «нас не запалохаць».
«Я пачуў і прыняў да ведама пагрозу адданага прыхільніка Уладзіміра Пуціна.
Гэтая пагроза па сваёй накіраванасці нічым не адрозніваецца ад учорашняга тэрарыстычнага акту ў Парыжы: яе мэта — запалохаць, пазбавіць голасу, спыніць слова. Але я сказаў учора і паўтару сёння: нас не запалохаць.
Мы будзем цвёрда адстойваць свабоду слова — базавую каштоўнасць сучаснага грамадства. Перакананы, што абсалютная большасць мусульман такую пазіцыю разумеюць і падтрымліваюць», - заявіў Хадаркоўскі.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары