Партыя левых «Справядлівы свет» назвала забарону савецкай і камуністычнай сімволікі супярэчнай еўрапейскім нормам.
«Вярхоўная Рада Украіны прыняла закон, па якім у парушэнне агульнапрызнаных нормаў міжнароднага права ў Украіне забараняецца прапаганда камуністычнай ідэалогіі і выкарыстанне камуністычных найменняў і сімволікі, а таксама ставіцца знак роўнасці паміж камунізмам і нацызмам. Адначасова прыняты таксама абуральны закон аб ушанаванні памяці удзельнікаў барацьбы за незалежнасць Украіны ў ХХ стагоддзі, да якіх аднесеныя ўдзельнікі АУН, УПА і іншых падобных адыёзных арганізацый. Трэцім прыняты закон, які забараняе афіцыйнае ўжыванне назвы «Вялікая Айчынная вайна». Тым самым Вярхоўнай Радай з гісторыі Украіны выкрэсленая адна з самых гераічных яе старонак», — гаворыцца ў заяве.
«Беларуская партыя левых «Справядлівы свет» лічыць, што прынятыя законы супярэчаць агульнапрызнаным нормам міжнароднага права і Канстытуцыі Украіны, падрываюць асновы дэмакратычнага ўладкавання дзяржавы, ліквідуюць палітычныя правы і свабоды грамадзян. Іх практычная рэалізацыя прывядзе да эскалацыі напружанасці і яшчэ большага расколу ўкраінскага грамадства, — засцерагаюць экс-камуністы. — Беларуская партыя левых «Справядлівы свет» асуджае любыя спробы перапісаць гераічную гісторыю Вялікай Айчыннай вайны, прынізіць і сказіць ролю мільёнаў сапраўдных патрыётаў Украіны, усяго Савецкага народа ў вялікай Перамозе над фашызмам», — гаворыцца ў заяве.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары