Каля 15.20 у Палацы Незалежнасці пачалася сустрэча з удзелам кіраўнікоў Беларусі і Расіі ў пашыраным складзе. Да гэтага Аляксандр Лукашэнка і Уладзімір Пуцін пагутарылі сам-насам.
Сустрэча прэзідэнтаў была кароткай, прыкметна, што абодва ў добрым гуморы. На сустрэчы ў фармаце «5+1» (прэзідэнт і пяць вышэйшых службовых асоб з кожнага боку) Беларусь прадстаўляюць прэм'ер Андрэй Кабякоў, першы віцэ-прэм'ер Васіль Мацюшэўскі, віцэ-прэм'ер Уладзімір Сямашка, міністр замежных спраў Уладзімір Макей і міністр фінансаў Уладзімір Амарын.
— Паважаны Дзмітрый Анатольевіч, — звярнуўся Лукашэнка да Пуціна.
Усе засмяяліся.
— Мы доўга размаўлялі аб рэцэптах, — аджартаваўся кіраўнік Беларусі.
— Звычайна, калі прыязджае Уладзімір Уладзіміравіч, то Дзмітрый Анатольевіч у Маскве, і наадварот. Але сёння я ўдзячны вам за тое, што мы ўсе сабраліся ў Мінску.
Аляксандр Лукашэнка цяперашнюю сустрэчу назваў «пікам»:
— Мы ўсе пытанні ўжо абмеркавалі. Мы гатовыя да правядзення Вышэйшага дзяржсавета.
— Мы вельмі рады быць у Беларусі, сапраўды, нашы каманды добра папрацавалі. Мы ведаем, у якім свеце мы жывем і што адбываецца ў сусветнай эканоміцы, у нашых — адпаведна. Нямала пытанняў, якія патрабуюць нашай асаблівай увагі, на самым вышэйшым узроўні, — адказаў Пуцін.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары