Другім тэрарыстам-смяротнікам, які падарваў сябе ў аэрапорце Брусэля ў аўторак, быў бельгійскі грамадзянін Наджа Лашруі.
Пра гэта паведамляе французскае выданне Le Monde.
Па дадзеных выдання, следчыя высветлілі асобу Лашруі па ДНК, знойдзенай на месцы выбуху. Лічыцца, што менавіта ён вырабіў бомбы для тэрактаў у Брусэлі.
Таксама вядома, што 25-гадовы Лашруі, які быў грамадзянінам Бельгіі, ездзіў у Сірыю ў лютым 2013 года. Следчыя лічаць, што ён дапамагаў тэрарыстам, якія 13 лістапада здзейснілі тэракты ў Францыі.
Яго ДНК была знойдзена на «выбуховых рэчывах», якія выкарыстоўваліся ў парыжскіх тэрактах. Таксама яе знайшлі ў кватэры ў Брусэлі, дзе былі выяўленыя сляды ДНК Салаха Абдэслама і Білана Хадфі, а таксама абсталяванне для вырабу выбуховых рэчываў.
Сёння ў пракуратуры Бельгіі паведамілі, што першым тэрарыстам-смяротнікам у аэрапорце быў Ібрагім Аль-Бакрауі. Яго брат падарваў сябе на станцыі метро Мальбек.
У сераду СМІ паведамлялі аб затрыманні Лашруі, аднак пасля гэтая інфармацыя была аспрэчаная.
Каментары