У Віцебску прадалі будынак былога хедара, дзе вучыўся Марк Шагал
Гістарычны помнік у цэнтры Віцебска, дзе спасцігаў азы навукі сусветна вядомы мастак і дзе чыноўнікі гадамі абяцалі стварыць музей, прадалі пад гасцініцу.
Электронныя таргі па рэалізацыі будынка былой яўрэйскай школы на вуліцы Калініна, 1 прайшлі 17 ліпеня. Пачатковая цана гэтага гістарычнага лота была 814 тысяч рублёў.
На ўдзел у таргах было зарэгістравана 2 заявы. У выніку таргоў цана продажу вырасла амаль на 10% і склала 895 341,88 BYN (каля 310 тысяч даляраў у эквіваленце).
Ад новага гаспадара чакаюць маштабнай рэканструкцыі, у выніку якой у будынку плошчай амаль 500 квадратных метраў павінен з'явіцца шматфункцыянальны комплекс з гасцініцай і ўстановай грамадскага харчавання.
Часу на рэалізацыю праекта даюць крыху больш за тры гады — комплекс мусіць быць уведзены ў эксплуатацыю не пазней за 31 снежня 2029 года.
Да 1917 года тут працаваў хедар — традыцыйная рэлігійная пачатковая школа, дзе з трох да трынаццаці гадоў вучыўся Марк Шагал. У гэтых жа сценах атрымліваў адукацыю выбітны скульптар Восіп Цадкін, а сярод выкладчыкаў быў дзед брытанскага філосафа Ісаі Берліна.
У савецкія і постсавецкія часы ў гістарычных сценах працаваў гарадскі радыётрансляцыйны вузел. Пасля яго закрыцця помнік архітэктуры пачаў занепадаць. У мінулым дзесяцігоддзі віцебскія ўлады неаднаразова агучвалі грандыёзныя планы па стварэнні тут музея Юдэля Пэна і ўключэнні будынка ў турыстычны музейны квартал. Аднак на амбіцыйныя праекты не знайшлося грошай.
-
«Будавала кар'еру, каб цяпер сарвацца ў аграрны? Адназначна так!» Дэканы Горацкай акадэміі закахалі ў сябе сацсеткі
-
У цэнтры Брэста паставяць гіганцкія вагі з незвычайнымі адзінкамі вымярэння
-
«Не будзем звяртаць увагу на лімітрофаў». Юрась Зянковіч запусціў уласнае медыя, не ведаючы, што гэтаксама называецца сайт пазнякоўцаў
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч9
Каментары