Рэформа Карпенкі: абітурыент адказаў на 4 з 30 пытанняў. І атрымаў 32 балы! ФОТАФАКТ
Падчас цэнтралізаванага тэсціравання цяпер выкарыстоўваецца новая сістэма падліку балаў.
Гаворка ідзе пра тое, што абітурыенты з нізкім узроўнем ведаў будуць атрымліваць вышэйшыя балы, чым раней. Адзнака па ЦТ у пэўнай ступені будзе адпавядаць балу са школьнага атэстата.
Гэта адна з рэформаў, якую праводзіць Міністэрства адукацыі на чале з Ігарам Карпенкам.
Рэпетытар Яўген Лівянт прадэманстраваў, як у рэальнасці працуе новая сістэма. Адзін з яго вучняў адправіўся на рэпетыцыйнае тэсціраванне па матэматыцы. Але ў патрэбным месцы бланка памылкова пазначыў не матэматыку, а фізіку. У выніку сістэма апрацоўвала яго адказы не па тым кодзе ключоў.
Адказы сышліся толькі ў 4 пытаннях з 30, прычым толькі ў больш лёгкай частцы А, дзе трэба абраць правільны адказ з прапанаваных.
За больш складаную частку В ён, натуральна, не атрымаў ніводнага бала, бо адказваў на іншыя пытанні.
Але праблема не ў няўважлівасці абітурыента. За 4 з 30 правільных адказаў ён атрымаў 32 балы, амаль траціну ад магчымага выніку.
Пры ранейшай сістэме падліку ён меў бы 10—15 балаў, і істотна адставаў бы ад абітурыентаў-разумнікаў. Цяпер жа, дзякуючы рэформе Карпенкі, розніца нівелюецца (бо падрыхтаваныя дзеці як атрымлівалі 80—90 балаў, так і будуць атрымліваць, падымаць іх балы няма куды).
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары