Міліцыянт з Пружанаў прагаласаваў у сацсетках за ўступленне Беларусі ў склад Расіі: «Можа, заробак павысяць»
У суполцы «Падслухана Пружаны» ў сацыяльнай сетцы Укантакце з’явілася апытанне на тэму: «Ці хочаце вы ў Расію». Прычынай для гэтага стала выказванне Уладзіміра Жырыноўскага аб тым, што большасць беларусаў падтрымаюць уступленне краіны ў Расію.
У выніку ў апытанні ўзялі ўдзел больш за 300 чалавек. 60% прагаласавалі, што не хочуць у склад іншай дзяржавы. 26% — сказалі «за». А 14% прагаласавалі з фармулёўкай: «Магчыма, заробак павысяць. Напэўна, так».
Сярод тых, хто прагаласаваў за апошні варыянт, — старонка Інспекцыі па справах непаўналетніх (ІСН) Пружанскага РУУС. Мы патэлефанавалі ў РУУС, дзе нам паведамілі, што старонка сапраўдная, яе вядзе начальнік ІСН Віктар Клімашэвіч.
Нам удалося звязацца са спадаром Клімашэвічам. «Калі там нешта і прагаласавана, то толькі па памылцы», — запэўніў ён.
На пытанне, ці мае доступ да гэтай старонкі яшчэ нехта, апроч Клімашэвіча, ён не адказаў.
«А вы задаволеныя сваім заробкам?» — спыталі мы ў міліцыянера. «Я не буду з вамі размаўляць, бо не бачу, з кім размаўляю», — на гэтых словах Клімашэвіч кінуў слухаўку.
Праз пяць хвілін пасля нашага тэлефанавання «голас» быў адменены. Але на скрыншотах відаць, за які варыянт галасавалі з гэтага акаўнта.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары