Рассельгаснагляд з 12 красавіка забараняе ўвоз яблыкаў і груш з Беларусі, бо не выключае, што пад выглядам беларускай прадукцыі ў Расію можа пастаўляцца прадукцыя з краін, у дачыненні да якіх уведзены харчовыя санкцыі. Пра гэта паведаміў «Інтэрфаксу» кіраўнік Рассельгаснагляду Сяргей Данкверт.
Паводле яго слоў, з 1 па 7 красавіка на мяжы было затрымана 36 машын з гэтай прадукцыяй без дакументаў. Ён падкрэсліў, што садавіну спрабавалі завезці незаконна.
Акрамя таго, затрымана 66 машын з яблыкамі і грушамі, якія фітасанітарная служба Беларусі сертыфікавала як садавіна беларускага паходжання, аднак, як нагадаў Данкверт, у мінулым годзе «беларускія калегі нам заяўлялі, што айчынныя яблыкі і грушы ў іх скончыліся яшчэ ў лютым».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары