У камандзе кандыдата ў прэзідэнты Украіны Уладзіміра Зяленскага заяўляюць, не вядуць і не збіраюцца весці перамоў з тэрарыстычнымі арганізацыямі «ЛНР» і «ДНР», і на аўтаномію часткі Данбаса не пагодзяцца.
Пра гэта паведаміў сябра каманды Зяленскага Дзмітрый Разумкоў у інтэрв'ю BBC News Україна, адказваючы на пытанне, ці магчымыя перамовы з самаабвешчанымі адміністрацыямі ў Данецку і Луганску.
«Мы такія перамовы, вядома, не вядзем. Весці перамовы або ціснуць трэба на тых, хто можа прымаць рашэнні», — сказаў Разумкоў.
Ён дадаў, што так званыя адміністрацыі «ДНР» і «ЛНР» не з'яўляюцца суб'ектамі перамоўнага працэсу, яны толькі «гаворачыя галовы», таму што ўсе ключавыя рашэнні прымаюцца ў Расіі.
«Таму перамовы з імі — гэта, мякка кажучы, малаэфектыўна», — сказаў прадстаўнік каманды Зяленскага.
На ўдакладняючае пытанне, ці дапушчальна весці з імі перамовы, Разумкоў сказаў:
«Сёння гэта тэрарыстычныя арганізацыі, і ёсць міжнародная практыка па гэтым пытанні».
Каментуючы заяву кума Пуціна Віктара Мядзведчука аб тым, што на вяртанне часткі Данбаса ва Украіну на правах аўтаноміі па яго праграме нібыта пагадзіліся і ў Данецку, і Луганску, і нават у Маскве, Разумкоў сказаў:
«У такім фармаце на гэтых тэрыторыях не будзе адноўлена ўкраінская ўлада. Зяленскі акрэсліў чырвоныя лініі, за якія ён не пяройдзе: мы ніколі не будзем здаваць у арэнду, дарыць або прадаваць свае тэрыторыі (а Крым і Данбас — гэта тэрыторыя Украіны), гэтак жа як і сваіх людзей».
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары