Выратавальнікі ў Мінску дапамаглі аднагадоваму хлопчыку дастаць палец са шчыпцоў, з якімі дала пагуляць мама
Здарэнне адбылося сёння ў доме на праспекце Пушкіна ў Мінску паведамляе 112.by
На нумар «101» патэлефанавала занепакоеная мама і паведаміла, што яе сын засунуў пальчык у кухонныя шчыпцы.
Па прыбыцці выратавальнікаў высветлілася, што мама дала хлопчыку пагуляцца з кухоннай прыладай.
Першапачаткова маладая жанчына сама спрабавала дастаць пальчык сына са шчыпцоў, але дзіця плакала, і тады спалоханая мама патэлефанавала ў МНС. Марудзіць у такіх выпадках нельга: заціснуты палец пачынаў сінець.
Ратавальнікі змаглі супакоіць дзіця і акуратна з дапамогай падручных сродкаў дасталі «з металічнага палону» пальчык хлопчыка.
У медыцынскай дапамозе дзіця не мела патрэбы.
Каментары