Сёння пры падтрымцы кампаніі «Будзьма!» мае адбыцца прэзентацыя SMS‑п’есКІ «Дарога і Шлях» Алеся Анціпенкі і Аксаны Спрынчан.
Сёння (чацвер) пры падтрымцы кампаніі «Будзьма!» мае адбыцца прэзентацыя SMS‑п’есКІ «Дарога і Шлях» Алеся Анціпенкі і Аксаны Спрынчан, выдадзенай выдавецтвам «Галіяфы».
Вас чакае незабыўная сустрэча са знакавымі асобамі беларускае культуры Валянцінам Акудовічам, Карынай Анціпенкай, Уладзімерам Арловым, Міхасём Башурам, Пятром Васючэнкам, Змітром Вішнёвым, Леанідам Дранько‑Майсюком, «Жабай у каляіне», Максімам Жбанковым, Ярашам Малішэўскім, Алесем Пашкевічам, Вікай Трэнас ды інш.
На слушную «Дарогу і Шлях» цягам вечара будзе скіроўваць бард, паэт, актор і менеджэр пазітыўнай, творчай энергіі непараўнальны Віктар Шалкевіч.
Усе «дарогі і шляхі» ў чацвер 5 сакавіка а 18.00 вядуць у Палац мастацтваў (вул. Казлова, 3). І не хавайцеся ў прарослую за зіму бульбу — уваход вольны.
Цяпер чытаюць
Малады работнік «Мінск-Арэны» павінен заплаціць 71 мільён даляраў3
Каментары