Завазны выпадак малярыі зарэгістраваны ў Гродне. Ва ўстанову аховы здароўя з высокай тэмпературай звярнуўся 26-гадовы жыхар абласнога цэнтра. Першапачаткова ў мужчыны дыягнаставалі вострую рэспіраторную інфекцыю і ліхаманку невядомай этыялогіі. Калі ён паведаміў, што днямі вярнуўся з Афрыкі, было праведзена адпаведнае абследаванне па выкрыцці ўзбуджальніка, паведамляе tvgrodno.by.
Гарадзенец знаходзіўся на Мальдывах і па працы выехаў у Анголу. Пры гэтым ні да, ні падчас паездкі не прымаў супрацьмалярыйных прэпаратаў.
У Анголе яго пакусалі камары. Праз два дні хворы прыляцеў у Гродна і яго шпіталізавалі ў стацыянар. Цяпер яго ўжо выпісалі. Гродзенец знаходзіцца пад наглядам доктара, каб выключыць рэцыдыў.
Каментары