Мінімальныя працоўныя і сацыяльныя пенсіі, даплаты вырастуць з 1 лютага
У Беларусі з 1 лютага праведзеныя пераразлікі мінімальных працоўных пенсій, надбавак і павышэнняў да іх, даплат пенсіянерам ва ўзросце больш за 75 гадоў, сацыяльных пенсій, паведамляе Міністэрства працы і сацыяльнай абароны.
Мінімальны памер пенсіі па ўзросце (прызначаецца асобам, якія маюць стаж 25 гадоў у мужчын і 20 — у жанчын) з улікам даплаты ў 20% сярэдняй заработнай платы складзе 245,12 рубля.
Штомесячная даплата да пенсій непрацуючых пенсіянераў у лютым-сакавіку для людзей ва ўзросце 80 гадоў і больш складзе 59,97 рубля, ва ўзросце ад 75 да 80 гадоў — 44,98 рубля. Надбаўка для інвалідаў першай групы складзе 59,97 рубля, для пенсіянераў, якія дасягнулі 80-гадовага ўзросту, — 29,99 рубля.
Сацыяльныя пенсіі (прызначаюцца пры неатрыманні працоўнай пенсіі) павялічвацца наступным чынам: інвалідам I групы, у тым ліку інвалідам з дзяцінства, — да 263,86 рубля, інвалідам з дзяцінства II групы — 227,88 рубля, інвалідам II групы (акрамя інвалідаў з дзяцінства), дзецям у выпадку страты карміцеля на кожнае дзіця — 203,89 рубля, інвалідам III групы — 179,9 рубля, асобам, старэйшым за агульнаўстаноўлены пенсіённы ўзрост — 119,94 рубля, дзецям-інвалідам ва ўзросце да 18 гадоў пры рознай ступені страты здароўя — ад 191,9 да 263,86 рубля.
Дапамога па доглядзе за інвалідам I групы або асобай, якая дасягнула 80-гадовага ўзросту, павялічыцца да 239,87 рубля (у выпадку догляду за адным такім чалавекам) і да 287,84 рубля (за двума і больш).
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары