Канапацкая пра здымак з дэкальтэ: Гэтым фота я паказваю сваю паспяховасць
У размове з карэспандэнтам «Нашай Нівы» экс-дэпутатка Палаты прадстаўнікоў Ганна Канапацкая пракаментавала свой неадназначны здымак, якім суправадзіла зварот да канкурэнта па праймерыз Мікалая Казлова.
«НН»: Вашае гарачае фота, якое вы дадалі ў той допіс: ці не надта гуллівая ілюстрацыя для палітычных заяў?
Ганна Канапацкая: Вы лічыце, што беларуская жанчына не можа паказаць сваю паспяховасць? І няважна, у чым гэтая паспяховасць праяўляецца: у грамадскім жыцці, у добрым выглядзе, у палітыцы, у бізнэсе… Чаму не?
«НН»: Ну, я бачу ў тым фота не паспяховасць, а, хутчэй, сэксуальны падтэкст.
ГК: А вы лічыце, што сэкс не з’яўляецца часткай жыцця любога беларускага грамадзяніна, хоць жанчыны, хоць мужчыны?
«НН»: Проста такое фота, можа быць, было б больш дарэчнае ў ціндары, а не ў фэйсбуку, пад палітычнай заявай кандыдата ў прэзідэнты?
ГК: А на якой падставе вы робіце гэтую заяву? Я гэтым фотаздымкам паказваю сваю паспяховасць у разнастайных галінах жыцця. І калі хтосьці бачыць у гэтым іншы падтэкст — то тут усе пытанні да таго чалавека, які той падтэкст бачыць.
Вось я, калі гляджу на свае фота, бачу паспяховага чалавека, які шмат чаго дабіўся ў бізнэсе, у палітыцы і ў асабістым жыцці. І які, калі прыйдзе да ўлады, стаўшы прэзідэнтам, будзе распаўсюджваць гэты поспех на астатніх.
«НН»: А як вы ставіцеся да таго, што вашую асобу ператвараюць у штосьці накшталт сэкс-сімвала ад апазіцыі? Такі статус сэкс-сімвала ўспрыміце як камплімент ці наадварот, як нешта непажаданае?
ГК: Так, гэта ўспрыму пазітыўна.
Чытайце:
Канапацкая расказвае пра палітыку, заробкі і статус сэкс-сімвала апазіцыі. Гутарка Улада Швядовіча
Канапацкая купіла ў салоне раскошны «Рэндж Ровер». Яго кошт — амаль 100 тысяч рублёў ФОТА
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі6
Каментары